Enable Javscript for better performance
புதுச்சேரியில் மாணவா்களை ஏற்றிச் சென்ற 2 ஆட்டோக்கள் பறிமுதல்: போக்குவரத்து எஸ்பி அதிரடி- Dinamani

சுடச்சுட

    

    புதுச்சேரியில் மாணவா்களை ஏற்றிச் சென்ற 2 ஆட்டோக்கள் பறிமுதல்: போக்குவரத்து எஸ்பி அதிரடி

    By DIN  |   Published on : 14th December 2019 12:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-7-13pyp15_1312chn_104

    புதுச்சேரி உப்பளம் பகுதியில் வெள்ளிக்கிழமை பள்ளி மாணவ, மாணவிகளை ஏற்றிச் சென்ற ஆட்டோக்களை வெள்ளிக்கிழமை சோதனை செய்த காவல் துறை தலைமையக எஸ்.பி. ரட்சனா சிங் தலைமையிலான போலீஸாா்.

    புதுச்சேரியில் உரிய ஆவணங்களின்றி பள்ளி மாணவா்களை ஏற்றிச்சென்ற 2 ஆட்டோக்களை வெள்ளிக்கிழமை போக்குவரத்து காவல் கண்காணிப்பாளா் ரட்சனாசிங் தலைமையிலான போலீஸாா் பறிமுதல் செய்தனா்.

    புதுச்சேரி பகுதியில் ஆட்டோக்களில் அனுமதிக்கப்பட்ட எண்ணிக்கையை விட அதிக எண்ணிக்கையில் பள்ளி மாணவா்களை ஏற்றிக்கொண்டு, ஆபத்தான பயணம் மேற்கொள்வதாகவும், ஆட்டோக்களின் இருபுறமும் தொங்க விடப்படும் புத்தகப் பைகள் விபத்தை ஏற்படுத்துவதாகவும் போக்குவரத்து காவல்துறைக்கு புகாா்கள் வந்தன.

    இதைத் தொடா்ந்து, காவல் துறை தலைமையக எஸ்.பி. ரட்சனா சிங், கிழக்கு போக்குவரத்து காவல் ஆய்வாளா் ஜெயராமன் தலைமையிலான போக்குவரத்து போலீஸாா் வெள்ளிக்கிழமை உப்பளம் சாலையில் திடீா் ஆய்வு மேற்கொண்டனா். அந்த வழியாக பள்ளி மாணவா்களை ஏற்றி வந்த ஆட்டோக்களை நிறுத்தி, அதன் ஆவணங்களை சோதனையிட்டனா். இதில், 62 ஆட்டோக்கள் ஆய்வு செய்யப்பட்டன.

    அப்போது, ஆட்டோ ஓட்டுநா்களிடம், குழந்தைகளை பாதுகாப்பான முறையில் ஆட்டோவில் ஏற்றி வர வேண்டும். கை, கால்களை வெளியே நீட்டியபடி அழைத்து வரக்கூடாது என போலீஸாா் அறிவுரை வழங்கினா். மேலும், அனுமதிக்கப்பட்ட எண்ணிக்கையை விட அதிக எண்ணிக்கையில் பள்ளி மாணவா்களை ஏற்றி வந்தால் கடும் நடவடிக்கை எடுக்கப்படும் என எச்சரித்து அனுப்பினா். இந்த சோதனையில், வாகனத் தகுதி சான்றிதழ் (எப்சி) இன்றி ஓடிய 2 ஆட்டோக்களை போலீஸாா் பறிமுதல் செய்தனா்.

    அதன் பின்னா், மறைமலையடிகள் சாலையில் போக்குவரத்துக்கு இடையூறாக வைக்கப்பட்டிருந்த விளம்பரப் பலகைகள், தட்டிகள் உள்ளிட்டவற்றை போக்குவரத்து போலீஸாா் அப்புறப்படுத்தினா்.

    சிறாா்களுக்கு எச்சரிக்கை: இதே போல, வடக்கு போக்குவரத்து போலீஸாா் லாசுப்பேட்டை நாவலா் நெடுஞ்செழியன் பள்ளி அருகில் வாகனச் சோதனையில் ஈடுபட்டனா். எஸ்பி முருகவேல், ஆய்வாளா் வரதாஜன் தலைமையிலான போக்குவரத்து போலீஸாா் நடத்திய இந்த சோதனையில், அந்த வழியாக இரு சக்கர வாகனங்களை ஓட்டி வந்த 17 வயதுக்குள்பட்ட சிறாா்களை பிடித்து போலீஸாா் எச்சரித்தனா். அந்த வண்டிகளை ஓட்டிவந்த சிறுவா்களின் பெற்றோா் விவரத்தை சேகரித்த போலீஸாா் அவா்களுக்கு நோட்டீஸ் அனுப்பி நடவடிக்கை எடுக்க முடிவு செய்துள்ளனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai