அரியாங்குப்பத்தில் ஆசிரியா் ஒருவா் துணிப் பைகளால் கிறிஸ்துமஸ் குடில் அமைத்து விழிப்புணா்வு ஏற்படுத்தி வருகிறாா்.
அரியாங்குப்பம் சாமிநாத நாயக்கா் வீதியில் வசிப்பவா் சு.சுந்தரராசு. இவா் நோணாங்குப்பம் அரசு மேல்நிலைப் பள்ளியில் நுண்கலை ஆசிரியராக பணியாற்றி வருகிறாா்.
சுந்தரராசு ஆண்டுதோறும் தனது வீட்டில் விதவிதமான பொருள்களைக் கொண்டு கிறிஸ்துமஸ் குடில் அமைப்பது வழக்கம். முதலாண்டு ஒரு செ.மீ. கொண்ட கிறிஸ்துமஸ் குடில் அமைத்தாா். இரண்டாமாண்டு காய்கனிகளாலான குடிலையும், அடுத்தடுத்த ஆண்டுகளில் நெகிழிப் புட்டிகளாலும், தேங்காய்களைக் கொண்டும், 27 வகை தானியங்களைக் கொண்டும், 750 புத்தகங்களைக் கொண்டும் விழிப்புணா்வு ஏற்படுத்தும் வகையில் குடில்களை அமைத்திருந்தாா்.
நிகழாண்டு கிறிஸ்துமஸ் பண்டிகையை முன்னிட்டு, 700 துணிப் பைகளைக் கொண்டு கிறிஸ்துமஸ் குடில் அமைத்துள்ளாா். இதற்காக திருமணம், மஞ்சள் நீராட்டு விழா, புதுமனை புகு விழா, வளைகாப்பு, பிறந்த நாள் விழா உள்ளிட்ட பல்வேறு விழாக்களுக்குச் சென்று, தாம்பூலத் துணிப் பைகளை சேகரித்து, பச்சை நிறப் பைகளைக் கொண்டு கிறிஸ்துமஸ் மரம் மற்றும் நிலப்பகுதிகளை அமைத்துள்ளாா்.
மலை, மாட்டுத் தொழுவம், செடி, நட்சத்திரம், ஊஞ்சல், குடிசைப் பகுதி, கிறிஸ்துமஸ் தாத்தா போன்றவற்றை பல வண்ணங்களைக் கொண்ட துணிப் பைகளைக் கொண்டும் அமைத்துள்ளாா். கிறிஸ்துமஸ் தாத்தா துணிப் பையை கையில் வைத்துள்ளதுபோல் வடிவமைத்துள்ளாா். மேலும், குடில்களை வித விதமான வண்ண விளக்குகளால் அழகுபடுத்தி வைத்துள்ளாா். இதை அந்தப் பகுதி மக்களும், மாணவா்களும் பாா்வையிட்டு, பாராட்டுத் தெரிவித்தனா்.
இதுகுறித்து ஆசிரியா் சுந்தரராசு கூறியதாவது: புதுவை மாநிலத்தில் நெகிழிப் பைகளுக்கு தடை விதிக்கப்பட்டுள்ளதால், மக்களிடம் துணிப் பைகள் குறித்த விழிப்புணா்வை ஏற்படுத்துவதற்காக, துணிப் பைகள் மூலம் கிறிஸ்துமஸ் குடிலை அமைத்துள்ளேன்.
கடைகளுக்கு பொருள்கள் வாங்கச் செல்லும்போது, கண்டிப்பாக துணிப் பைகளை கொண்டு செல்ல வேண்டும். இதனால், சுகாதாரச் சீா்கேடு தடுக்கப்பட்டு, புவி மாசு குறைக்கப்படும் என்றாா்.