Enable Javscript for better performance
மின் கட்டணம் உயர்வு: மநீம கண்டனம்- Dinamani

உடனுக்கு உடன் செய்திகள்

    மின் கட்டணம் உயர்வு: மநீம கண்டனம்

    By DIN  |   Published On : 28th May 2019 08:50 AM  |   Last Updated : 28th May 2019 08:50 AM  |  அ+அ அ-  |  

    புதுவையில் மின் கட்டண உயர்வுக்கு மக்கள் நீதி மய்யம் கண்டனம் தெரிவித்தது.
     இதுகுறித்து அந்தக் கட்சியின் புதுவை மாநிலத் தலைவர் மருத்துவர் எம்.ஏ.எஸ்.சுப்ரமணியன் திங்கள்கிழமை வெளியிட்ட அறிக்கை:
     புதுவையை ஆளும் காங்கிரஸ் - திமுக கூட்டணி அரசு தொடர்ந்து மக்களுக்கு அளித்த வாக்குறுதிகளை நிறைவேற்றாததுடன், அதற்கு நேர்மாறாகவும் செயல்பட்டு வருகிறது.
     மேலும், மக்களவைத் தேர்தலில் காங்கிரஸ் வெற்றி பெற்றால் மாநில அரசால் உயர்த்தி வசூலிக்கப்படும் அனைத்து கட்டணங்களும், வரிகளும் குறைக்கப்படும் என்றும் உறுதியளித்தது.
     ஏற்கெனவே 2016-இல் அளித்த வாக்குறுதிகளை நிறைவேற்றாத அரசு, எப்படி 2019-இல் அளிக்கப்பட்ட வாக்குறுதிகளை நிறைவேற்றும் என்று கேள்வி எழுப்பி மக்கள் நீதி மய்யம் பிரசாரம் செய்தது.
     தற்போது, தேர்தல் முடிவு வெளியானவுடனேயே மின் கட்டணத்தை அரசு உயர்த்தியுள்ளது.
     இதன் மூலம் வாக்களித்த மக்களை அரசு வஞ்சித்துள்ளது.
     புதுவையை ஆளும் காங்கிரஸ் - திமுக கூட்டணி அரசு உடனடியாக உயர்த்தப்பட்ட மின் கட்டணத்தை ரத்து செய்ய வேண்டும்.
     மேலும், ஏற்கெனவே அளித்த வாக்குறுதியின்படி, 100 யூனிட் வரை 50 சதவீத கட்டணச் சலுகை என்பதை 200 யூனிட் வரை என உயர்த்தி அறிவிப்பதுடன், அந்த சலுகையை உடனடியாக அமலுக்கும் கொண்டு வர வேண்டும்.
     இல்லையெனில், மக்களுக்கு அளித்த வாக்குறுதிகளுக்கு எதிராகச் செயல்படும் அரசு என்பதை தொடர் பிரசாரம் மூலம் மக்களுக்கு கொண்டு செல்வோம் என அதில் கூறப்பட்டுள்ளது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp