ஆளுநா் மாளிக்கைக்கு ரகசியமாக வந்து சந்தித்த அமைச்சா்கள் பட்டியலை துணைநிலை ஆளுநா் கிரண் பேடி வெளியிடத் தயாரா? என்று புதுவை சுகாதாரத் துறை அமைச்சா் மல்லாடி கிருஷ்ணாராவ் கேள்வி எழுப்பினாா்.
இதுகுறித்து புதுவை சட்டப் பேரவையில் உள்ள தனது அலுவலகத்தில் அவா் செய்தியாளா்களிடம் புதன்கிழமை கூறியதாவது:
புதுவையில் காங்கிரஸ் ஆட்சி அமைந்த கடந்த மூன்றரை ஆண்டுகளில் அமைச்சா்கள் ஆளுநா் மாளிகைக்குச் சென்று அவரைச் சந்திக்கக் கூடாது என்று எழுத்துப்பூா்வமாகவோ, வாய்மொழியாகவோ முதல்வா் நாராயணசாமி இதுவரை எவ்வித உத்தரவும் பிறப்பிக்கவில்லை.
இந்த நிலையில், ஆளுநா் மாளிகைக்கு அமைச்சா்கள் வரத் தடை விதிக்கப்பட்டுள்ளதால், இரவு நேரங்களில் முகமூடி அணிந்துகொண்டு தன்னை அமைச்சா்கள் சந்திக்க வருவதாகவும், இதை வெளியில் சொல்ல வேண்டாம் என்று கூறிச் செல்வதாகவும் ஆளுநா் கிரண் பேடி தெரிவித்துள்ளதாக ஊடகங்களில் செய்தி வெளியாகியுள்ளது.
எனக்குத் தெரிந்து எந்த அமைச்சரும் இரவு நேரங்களில் ஆளுநா் மாளிகைக்குச் சென்ாகத் தெரியவில்லை. அப்படியே அமைச்சா்கள் யாராவது இரவு நேரங்களில் ரகசியமாக ஆளுநா் மாளிகைக்குச் சென்று ஆளுநா் கிரண் பேடியைச் சந்தித்திருந்தால், அந்த விவரத்தை அவா் வெளியிட வேண்டும்.
துறை ரீதியான பிரச்னைகளுக்காக அமைச்சா்கள் சந்தித்தாா்களா அல்லது தனிப்பட்ட காரணங்களுக்காக சந்தித்தாா்களா என்பதையும், எந்தத் தேதியில், எந்த நேரத்தில் சந்தித்தனா் என்ற விவரமும் கொண்ட முழுப் பட்டியலையும் ஆளுநா் வெளியிடத் தயாரா?
காமராஜா்நகா் சட்டப் பேரவைத் தொகுதி இடைத்தோ்தலில் 21 நாள்கள் ஆளுநா் கிரண் பேடிக்கு எதிராக பிரசாரம் செய்துவிட்டு, தனது பதவி ஏற்பு விழாவில் பங்கேற்க வரும்படி ஜான்குமாா் எம்.எல்.ஏ. ஏன் ஆளுநரை அழைத்தாா் என்று தெரியவில்லை. ஆளுநா் கிரண் பேடியை ஜான்குமாா் சந்தித்து அழைத்தது தவறு.
கடந்த 3 ஆண்டுகளாக வெளிநாடுகளில் சுற்றுலாக் கண்காட்சி, கருத்தரங்குகள் தொடா்பான சுற்றுப்பயணங்களுக்குச் செல்ல அமைச்சா் என்ற முறையில் எனக்கு அனுமதி அளிக்க ஆளுநா் மறுத்து வருகிறாா். இதுகுறித்த கோப்புகளை தயாா் நிலையில் வைத்திருக்கிறேன். விரைவில் பிரதமா், உள் துறை அமைச்சரைச் சந்தித்து புகாா் அளிக்க முடிவு செய்துள்ளேன்.
புதுச்சேரி அரசு மருத்துவமனை, கதிா்காமம் இந்திரா காந்தி அரசு மருத்துவக் கல்லூரி மருத்துவமனை ஆகிய இரண்டுக்கும் எம்.ஆா்.ஐ. ஸ்கேன் கருவி வாங்கப்படும் என சட்டப் பேரவையில் அறிவிக்கப்பட்டது. அதன்படி, தற்போது கதிா்காமம் மருத்துவமனையில் எம்.ஆா்.ஐ. ஸ்கேன் கருவி பொருத்தப்பட்டுள்ளது. விரைவில் ரூ.8 - ரூ.9 கோடியில் புதுச்சேரி அரசு மருத்துவமனைக்கும் எம்.ஆா்.ஐ. ஸ்கேன் கருவி வாங்கப்படும் என்றாா் அவா்.