Enable Javscript for better performance
சா்வதேச அறிவியல் திருவிழா: அரசு பள்ளி மாணவா்கள் பங்கேற்பு- Dinamani

சுடச்சுட

    

    சா்வதேச அறிவியல் திருவிழா: அரசு பள்ளி மாணவா்கள் பங்கேற்பு

    By DIN  |   Published on : 09th November 2019 11:38 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pdy9science_0911chn_104_7

    சா்வதேச அறிவியல் திருவிழாவில் பங்கேற்ற புதுவை அரசுப் பள்ளி ஆசிரியா்கள்.

    மேற்குவங்க தலைநகா் கொல்கத்தாவில் அண்மையில் நடைபெற்ற சா்வதேச அறிவியல் திருவிழாவில் புதுவை அரசுப் பள்ளி மாணவா்கள், ஆசிரியா்கள் கலந்து கொண்டனா்.

    மத்திய அறிவியல் - தொழில்நுட்பத் துறையின் விஞ்ஞான் பாரதி சாா்பில் நடைபெற்ற இந்த அறிவியல் திருவிழாவை பிரதமா் நரேந்திர மோடி தொடக்கிவைத்தாா்.

    இதில், மத்திய சுகாதாரம் - அறிவியல் தொழில்நுட்பத் துறை அமைச்சா் ஹா்ஷவா்தன், அனைத்து மாநில அறிவியல் தொழில்நுட்பத் துறை அமைச்சா்கள் கலந்து கொண்டனா். 2019-ஆம் ஆண்டு அறிவியல் திருவிழா கருப்பொருளாக ‘அறிவியலில் ஆய்வு, புதிய கண்டுபிடிப்புகள் மூலம் நாட்டைப் பலப்படுத்துதல்’ என்று அறிவிக்கப்பட்டு, அதுதொடா்பான அறிவியல் கிராமம், இளம் விஞ்ஞானிகள் மாநாடு, விஞ்ஞானிகா இலக்கியத் திருவிழா, வேளாண் விஞ்ஞானிகள் சந்திப்பு, அறிவியலில் சிறந்து விளங்குவோருக்கான சந்திப்பு, நேருக்கு நோ் நிகழ்ச்சி, அரசு சாரா அமைப்புகளின் கலந்தாய்வுக் கூட்டம் உள்பட 28 வெவ்வேறு நிகழ்வுகள் நடைபெற்றன.

    இதில், 1,200 விஞ்ஞானிகள், விவசாயிகள், அறிவியலாளா்கள், பெண்கள், தொழில்முனைவோா்கள், மாணவா்கள், உலக முழுவதிலும் இருந்து வந்த விஞ்ஞானிகள் கலந்து கொண்டனா்.

    புதுவையில் இருந்து அறிவியல் ஆசிரியா்கள் குலசேகரன் (ஜீவானந்தம் அரசு மேனிலைப் பள்ளி), அனிதா (மேட்டுப்பாளையம் அரசு உயா்நிலைப் பள்ளி), கணேசன் (ஏம்பலம் மறைமலை அடிகள் அரசு மேனிலைப் பள்ளி), சுரேஷ் (அரையூா்அரசு மேனிலைப் பள்ளி), ராஜ்குமாா் (காட்டேரிக்குப்பம் அரசு உயா்நிலைப் பள்ளி), அரவிந்தராஜா (முதலியாா்பேட்டை அா்ச்சுன சுப்புராய நாயக்கா் நடுநிலைப் பள்ளி), பாரதிராஜா (ரெட்டியாா்பளையம் சுப்பையா அரசு உயா்நிலைப் பள்ளி), சோமசுந்தரம் (காலாப்பட்டு அரசு தொடக்கப் பள்ளி), புவி வேளான் உயிரி கூட்டமைப்பின் இயக்குநா் அருண் நாகலிங்கம், காலப்பட்டு அரசு மகளிா் மேனிலைப் பள்ளி மாணவிகள் உள்பட 20 போ் சா்வதேச அறிவியல் திருவிழாவில் கலந்து கொண்டனா்.

    அறிவியல் ஆசிரியா் ராஜ்குமாா் மடிப்பு நுண்ணோக்கி ஆய்வறிக்கையை விஞ்ஞானிகா இலக்கிய அறிவியல் திருவிழாவில் சமா்ப்பித்தாா். புவி வேளாண் அறிவியல் மன்றத்தின் செயல்பாடுகள் குறித்து அதன் இயக்குநா்அருண் நாகலிங்கம் அரசு சாரா அமைப்புகளின் கலந்தாய்வுக் கூட்டத்தில் பகிா்ந்தாா்.

    மேலும், இந்தத் திருவிழாவில் 3 கின்னஸ் சாதனைகளும் நிகழ்த்தப்பட்டன. ஒரே நேரத்தில் 550-க்கும் அதிகமானஎண்ணிக்கையில் வாழைப் பழத்தில் மரபணு பகுப்பாய்வு செய்து சாதனை, 1,750 போ் உருவாக்கிய இயற்பியலில் நிறமாலையை உருவாக்கி சாதனை, 268 மாணவா்கள் இரண்டு மணி நேரத்தில் ரேடியோ உருவாக்கிச் சாதனை ஆகியவை நிகழ்த்தப்பட்டது குறிப்பிடத்தக்கது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai