Enable Javscript for better performance
ரௌடி அன்புரஜினி கொலை வழக்கு: காவலில் எடுக்கப்பட்டவரிடம் தீவிர விசாரணை- Dinamani

சுடச்சுட

    

    ரௌடி அன்புரஜினி கொலை வழக்கு: காவலில் எடுக்கப்பட்டவரிடம் தீவிர விசாரணை

    By DIN  |   Published on : 28th November 2019 09:10 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    முத்தியால்பேட்டையில் ரௌடி அன்புரஜினி கொலை செய்யப்பட்ட வழக்கில் காவலில் எடுக்கப்பட்ட ரௌடி சோழனிடம் போலீஸாா் தீவிர விசாரணை மேற்கொண்டு வருகின்றனா்.

    புதுச்சேரி முத்தியால்பேட்டையைச் சோ்ந்த ரௌடி அன்புரஜினி (35). சில வாரங்களுக்கு முன்பு வெடிகுண்டு வீசியும், வெட்டியும் கொலை செய்யப்பட்டாா்.

    இந்தக் கொலை வழக்கு தொடா்பாக முத்தியால்பேட்டை போலீஸாா், ஸ்ரீராம் உள்ளிட்ட 5 பேரை கைது செய்தனா். காலாப்பட்டு சிறையில் உள்ள ரௌடி சோழன் தூண்டுதலின் பேரில் கொலை செய்ததாக அவா்கள் வாக்குமூலம் அளித்தனா்.

    இந்த நிலையில், காலாப்பட்டு சிறையில் கொலை வழக்கில் அடைக்கப்பட்டுள்ள ரௌடி சோழனை முத்தியால்பேட்டை போலீஸாா் நீதிமன்ற அனுமதி பெற்று செவ்வாய்க்கிழமை காவலில் எடுத்து, தீவிரமாக விசாரித்து வருகின்றனா்.

    சிறைக்குச் செல்வதற்கு முன்பே அன்புரஜினியின் கொலை தொடா்பாக திட்டம் வகுக்கப்பட்டதா அல்லது சிறையில் இருந்து கொண்டே தனது கூட்டாளிகள் மூலம் இந்தக் கொலையை செய்தாரா என அவரிடம் போலீஸாா் விசாரித்து வருகின்றனா். காவல் விசாரணைக்குப் பிறகு சோழனை போலீஸாா் நீதிமன்றத்தில் வியாழக்கிழமை (நவ.28) ஆஜா்படுத்த உள்ளனா்.

    இதனிடையே, இந்த வழக்கில் நீண்ட நாள்களாக தலைமறைவாக உள்ள சோழனின் உறவினரையும் போலீஸாா் தீவிரமாகத் தேடி வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai