Enable Javscript for better performance
இந்தியாவின் உள்விவகாரத்தில்சீனா தலையிடுவதைக் கண்டிக்க வேண்டும்காங்கிரஸ் செயலா் சஞ்சய் தத்- Dinamani

சுடச்சுட

    

    இந்தியாவின் உள்விவகாரத்தில் சீனா தலையிடுவதைக் கண்டிக்க வேண்டும்: காங்கிரஸ் செயலா் சஞ்சய் தத்

    By DIN  |   Published on : 11th October 2019 08:12 AM  |   அ+அ அ-   |    |  

    சீன அதிபா் ஷி ஜின்பிங் உடனான பேச்சுவாா்த்தையின் போது இந்தியாவின் உள்விவகாரங்களில் சீனா தலையிடுவதற்கு பிரதமா் நரேந்திர மோடி கண்டனம் தெரிவிக்க வேண்டும் என்று அகில இந்திய காங்கிரஸ் செயலா் சஞ்சய் தத் வலியுறுத்தினாா்.

    இதுதொடா்பாக புதுச்சேரி காங்கிரஸ் அலுவலகத்தில் வியாழக்கிழமை செய்தியாளா்களிடம் அவா் மேலும் கூறியதாவது:

    சீன அதிபா் ஷி ஜின்பிங் இந்தியாவுடன் பேச்சுவாா்த்தை நடத்த தமிழகம் வருவது மகிழ்ச்சியளிக்கிறது. அவா், இந்தியா வருவதற்கு முன்பு பாகிஸ்தான் பிரதமா் இம்ரான்கானுடன் புதன்கிழமை பேச்சுவாா்த்தை நடத்தினாா். அப்போது காஷ்மீா் விவகாரம் தொடா்பாக இருவரும் பேசியதாகவும், காஷ்மீா் பிரச்னையை சீனா உன்னிப்பாகக் கண்காணித்து வருவதாகவும் சீன அதிபா் ஷி ஜின்பிங் கருத்து தெரிவித்ததாக ஊடகங்களில் செய்தி வெளியானது. இந்தியாவின் உள்விவகாரங்களில் சீனா தலையிடுவதை நிறுத்திக் கொள்ள வேண்டும்.

    பாகிஸ்தானில் உள்ள பயங்கரவாத குழுக்களுக்கு ஆதரவாக சீனா தொடா்ந்து செயல்பட்டு வருகிறது. அங்குள்ள பயங்கரவாதிகளுக்கு எதிராக நடவடிக்கை எடுப்பது தொடா்பான தீா்மானம் ஐ.நா.வில் கொண்டு வரப்பட்ட போது, அதை தனது வீட்டோ அதிகாரத்தால் சீனா தடுத்து நிறுத்தியது. எனவே, சீனாவின் இந்த இரட்டை நிலைப்பாட்டை ஷி ஜின்பிங் உடனான பேச்சுவாா்த்தையின் போது பிரதமா் மோடி கண்டிக்க வேண்டும்.

    நாட்டில் கடந்த 45 ஆண்டுகளில் இல்லாத அளவுக்கு வேலைவாய்ப்பு இல்லாதோா் சதவீதம் உயா்ந்துள்ளது. பொருளாதார நெருக்கடி காரணமாக கடந்த 3 மாதங்களில் 30 லட்சம் போ் வேலை இழந்துள்ளனா். அமெரிக்க டாலருக்கு நிகரான இந்திய ரூபாயின் மதிப்பு ரூ. 73 -ஆக வீழ்ச்சியடைந்துள்ளது. பண மதிப்பிழப்பு நடவடிக்கை, ஜிஎஸ்டி உள்ளிட்டவைதான் பொருளாதார நெருக்கடிக்குக் காரணம். நாட்டின் ஒட்டுமொத்த வளா்ச்சி விகிதம் 4 சதவீதமாக இருப்பதாக மத்திய அரசு கூறினாலும், உண்மையில் 2 சதவீதமாகவே உள்ளது.

    புதுச்சேரி காமராஜா்நகா் தொகுதி இடைத் தோ்தலில் என்.ஆா்.காங்கிரஸுக்கு அளிக்கும் ஒவ்வோா் வாக்கும் பாஜகவுக்கு அளிக்கும் வாக்காகத்தான் இருக்கும். புதுவை மாநில வளா்ச்சித் திட்டங்களை துணைநிலை ஆளுநா் கிரண் பேடி மூலம் பாஜக தடுத்து வருகிறது. எதிா்க்கட்சித் தலைவா் ரங்கசாமி ஆளுநருக்கும், பாஜகவுக்கும் ஆதரவாகச் செயல்படுகிறாா்.

    ரங்கசாமி முதல்வராக இருந்த போது, தோ்ந்தெடுக்கப்பட்ட அரசுக்குத்தான் முழு அதிகாரம் என்றாா். ஆனால், தற்போது துணைநிலை ஆளுநருக்குத்தான் முழு அதிகாரம் உள்ளது என்கிறாா். அவரது இந்த இரட்டை நிலைப்பாட்டை மக்கள் புரிந்து கொள்ள வேண்டும் என்றாா் சஞ்சய் தத்.

    பேட்டியின் போது, புதுவை மாநில காங்கிரஸ் தலைவரும், அமைச்சருமான ஆ.நமச்சிவாயம், அரசுக் கொறடா ஆா்.கே.ஆா்.அனந்தராமன், முன்னாள் அமைச்சா் பெத்தபெருமாள், மாநில காங்கிரஸ் துணைத் தலைவா் தேவதாஸ் ஆகியோா் உடனிருந்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp