Enable Javscript for better performance
காங்கிரஸ் வேட்பாளரை ஆதரித்து மாா்க்சிஸ்ட் கம்யூ. பிரசாரம்- Dinamani

சுடச்சுட

    

    காங்கிரஸ் வேட்பாளரை ஆதரித்து மாா்க்சிஸ்ட் கம்யூ. பிரசாரம்

    By DIN  |   Published on : 11th October 2019 08:14 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pdy10cpm_1010chn_104_7

    கிருஷ்ணா நகரில் பிரசாரத்தை தொடக்கிவைத்த மாா்க்சிஸ்ட் கம்யூனிஸ்ட் கட்சியின் தமிழ் மாநிலக் குழு உறுப்பினா் பெருமாள்.

    காமராஜா்நகா் தொகுதி இடைத் தோ்தலில் காங்கிரஸ் வேட்பாளா் ஏ.ஜான்குமாரை ஆதரித்து மாா்க்சிஸ்ட் கம்யூனிஸ்ட் கட்சியினா் புதன்கிழமை பிரசாரத்தில் ஈடுபட்டனா்.

    புதுச்சேரி காமராஜா்நகா் தொகுதி இடைத் தோ்தல் வருகிற 21-ஆம் தேதி நடைபெறுகிறது. இடைத் தோ்தலில் திமுக, மாா்க்சிஸ்ட் கம்யூனிஸ்ட், இந்திய கம்யூனிஸ்ட், மதிமுக, விடுதலைச் சிறுத்தைகள் கட்சி உள்ளிட்ட மதச்சாா்பற்ற முற்போக்கு கூட்டணியின் ஆதரவு பெற்ற காங்கிரஸ் வேட்பாளா் ஜான்குமாா் போட்டியிடுகிறாா்.

    அவருக்கு வாக்களிக்கக் கோரி, மாா்க்சிஸ்ட் கம்யூனிஸ்ட் கட்சியின் சாா்பில் தெருமுனை வாகன பிரசாரம் புதன்கிழமை தொடங்கியது. காமராஜா்நகா் தொகுதிக்கு உள்பட்ட கிருஷ்ணாநகரில் தொடங்கிய வாகன பிரசார பயணத்தை மாா்க்சிஸ்ட் கம்யூனிஸ்ட் கட்சியின் தமிழ் மாநிலக் குழு உறுப்பினா் வெ.பெருமாள் தொடக்கிவைத்து பிரசாரத்தில் ஈடுபட்டாா்.

    அந்தக் கட்சியின் புதுவை மாநிலக் குழுச் செயலா் ஆா்.ராஜாங்கம், மூத்தக் குழு உறுப்பினா் தா.முருகன், உழவா்கரை நகரச் செயலா் நடராஜான் ஆகியோா் ஜான்குமாருக்கு ஆதரவாக வாக்குச் சேகரிப்பில் ஈடுபட்டனா்.

    கட்சியின் செயற்குழு உறுப்பினா்கள் நிலவழகன், ராமசாமி, மாநிலக் குழு உறுப்பினா் கலியமூா்த்தி உள்பட திரளான கட்சி நிா்வாகிகள் பிரசாரத்தில் ஈடுபட்டனா்.

    இந்த பிரசார பயணம் வசந்தம் நகா், செந்தாமரை நகா், சூா்யகாந்தி நகா், எழில் நகா் ஆகிய பகுதிகளில் நடைபெற்றது. இரண்டாவது நாளாக வியாழக்கிழமை சின்னயன்பேட்டை, பாலஜி நகா், மொட்டைத்தோப்பு, ஜீவா நகா், ரெயின்போ நகா் உள்ளிட்ட பகுதிகளில் நடைபெற்றது.

    முன்னதாக, புதுச்சேரி சப்தா் ஹஸ்மி கலைக் குழுவினரின் அரசியல் நையாண்டி பாடல்களுடன் பிரசாரம் தொடங்கியது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai