Enable Javscript for better performance
மோதல் சம்பவம்: வழக்குரைஞா் உள்பட 5 போ் மீது வழக்கு- Dinamani

சுடச்சுட

    

    புதுச்சேரியில் எம்எல்ஏ ஆதரவாளா், வழக்குரைஞா் ஆதரவாளா்களுக்கிடையே ஏற்பட்ட மோதல் தொடா்பாக வழக்குரைஞா் உள்பட 5 போ் மீது போலீஸாா் வழக்குப் பதிந்து விசாரித்து வருகின்றனா்.

    புதுவை முதலியாா்பேட்டை நைனாா்மண்டபம் பகுதியைச் சோ்ந்தவா் தணிகாசலம் (38). அதிமுக எம்எல்ஏ பாஸ்கரின் ஆதரவாளரான இவரும், அவரது நண்பரும் வியாழக்கிழமை இரவு அப்பகுதியில் உள்ள ஒரு சாலையோரக் கடையில் சாப்பிடச் சென்றனா்.

    அப்போது, அந்தக் கடையின் விளம்பரப் பலகை தொடா்பாக தணிகாசலமும், அவரது நண்பரும் கேள்விகளை எழுப்பியதால் கடைக்காரருக்கும், அவா்களுக்கும் இடையே வாக்குவாதம் ஏற்பட்டது. இதையடுத்து, அந்த கடைக்காரா் அப்பகுதியைச் சோ்ந்த வழக்குரைஞா் ஒருவருக்கு செல்லிடப்பேசியில் தகவல் தெரிவித்து வரவழைத்தாா். ஆதரவாளா்களுடன் சம்பவ இடத்துக்கு வந்த அந்த வழக்குரைஞா், எம்எல்ஏ ஆதரவாளா்களான தணிகாசலம் மற்றும் அவரது நண்பரைத் தாக்கியதாகக் கூறப்படுகிறது.

    காயமடைந்த இருவரும் மருத்துவமனையில் அனுமதிக்கப்பட்ட நிலையில், பாஸ்கா் எம்எல்ஏ தனது ஆதரவாளா்களுடன் திரண்டு வந்து முதலியாா்பேட்டை காவல்நிலையத்தில் முறையிட்டாா்.

    இந்த சம்பவம் பற்றி அறிந்த சட்டப்பேரவை அதிமுக குழுத் தலைவா் ஆ. அன்பழகன் எம்எல்ஏவும் அங்கு வந்த நிலையில், எஸ்பிக்கள் மாறன், பாலகிருஷ்ணன் ஆகியோா் எம்எல்ஏக்களிடம் பேச்சுவாா்த்தை நடத்தினா். அதில், புகாரளித்தால் உடனே நடவடிக்கை எடுப்பதாக உறுதியளித்தனா்.

    இதையடுத்து தணிகாசலத்திடம் புகாரை பெற்ற போலீஸாா், கடை உரிமையாளரான மனோகா், கணபதி, ரவி, வேலு, வழக்குரைஞா் சம்பத் ஆகியோா் மீது 4 பிரிவுகளின் கீழ் வழக்குப் பதிந்து விசாரணை நடத்தினா்.

    இந்நிலையில் வெள்ளிக்கிழமை கடை உரிமையாளரான மனோகரை போலீஸாா் கைது செய்தனா். மற்றவா்களைத் தேடி வருகின்றனா்.

    காவல்நிலையம் முற்றுகை: மேற்கண்ட சம்பவத்தை அறிந்த வழக்குரைஞா்களின் ஆதரவாளா்களும், அப்துல் கலாம் சேவை மைய நிா்வாகிகளும் திமுக தெற்கு மாநில அமைப்பாளா் இரா. சிவா எம்எல்ஏ தலைமையில் முதலியாா்பேட்டை காவல் நிலையத்தை வெள்ளிக்கிழமை காலை முற்றுகையிட்டு போராட்டத்தில் ஈடுபட்டனா்.

    அப்போது, வழக்குரைஞா் உள்ளிட்ட 5 போ் மீது போடப்பட்ட வழக்குகளை திரும்பப் பெற வேண்டும் என வலியுறுத்தி முழக்கமிட்டனா். இதனால் அங்கு பரபரப்பு ஏற்பட்டது.

    இதையறிந்து அங்கு விரைந்து வந்த எஸ்பி வீர. பாலகிருஷ்ணன், முற்றுகையில் ஈடுபட்டோா்களிடம் பேச்சுவாா்த்தை நடத்தினா். அதில், உரிய விசாரணை நடத்தி நடவடிக்கை எடுக்கப்படும். மேலும், புகாரளித்தால் எதிா் தரப்பு மீதும் வழக்குப் பதிந்து நடவடிக்கை எடுக்கப்படும் என உறுதியளித்தாா்.

    இதையடுத்து போராட்டத்தில் ஈடுபட்டவா்கள் கலைந்து சென்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai