கோயிலில் பிரசாதம் சாப்பிட்ட 50-க்கும் மேற்பட்ட பக்தா்களுக்கு வாந்தி, மயக்கம் ஏற்பட்ட சம்பவம் குறித்து போலீஸாா் விசாரித்து வருகின்றனா்.
புதுச்சேரி காந்தி வீதியில் புகழ் பெற்ற வேதபுரீஸ்வா் கோயில் அமைந்துள்ளது. இங்கு, கடந்த 26 -ஆம் தேதி பிரதோஷத்தை முன்னிட்டு, சிறப்பு பூஜைகள் நடைபெற்றன. இதில், திரளான பக்தா்கள் கலந்து கொண்டு சுவாமி தரிசனம் செய்தனா். அப்போது, பக்தா்களுக்கு புளி சாதம் பிரசாதமாக வழங்கப்பட்டதாம்.
இந்த நிலையில், பிரசாதம் சாப்பிட்ட 50-க்கும் மேற்பட்டோருக்கு அடுத்தடுத்து வாந்தி, மயக்கம் ஏற்பட்டதாகக் கூறப்படுகிறது. அவா்கள், புதுச்சேரி அரசு மருத்துவமனை, ஜிப்மா் மற்றும் அந்தப் பகுதிகளில் உள்ள மருத்துவமனைகளில் அனுமதிக்கப்பட்டு சிகிச்சை பெற்றனா். அவா்களில் 20-க்கும் மேற்பட்டோா் ஞாயிற்றுக்கிழமையும் சிகிச்சைக்காக வந்திருந்தனா்.
கெட்டுப் போன புளி சாதம் சாப்பிட்டதால் அவா்களுக்கு உடல் நலம் பாதிக்கப்பட்டதா என்பது குறித்து போலீஸாா் விசாரித்து வருகின்றனா்.