புதுவையில் கரோனாவுக்கு மேலும் ஒருவா் பலி

புதுவையில் கரோனா தொற்றுக்கு மேலும் ஒருவா் பலியானாா். புதிதாக 33 பேருக்கு தொற்று உறுதி செய்யப்பட்டது.

புதுவை மாநிலத்தில் வெள்ளிக்கிழமை வெளியான முடிவுகளின்படி, 3,391 பேருக்கு பரிசோதனை மேற்கொள்ளப்பட்டதில், புதுச்சேரியில் 18, காரைக்கால் 4, ஏனாமில் 2, மாஹேயில் 9 என மேலும் 33 பேருக்கு கரோனா தொற்றிருப்பது உறுதி செய்யப்பட்டது. இதையடுத்து, மாநிலத்தில் கரோனா தொற்றால் பாதிக்கப்பட்டோா் எண்ணிக்கை 37,947-ஆக உயா்ந்தது.

இதனிடையே, கரோனா தொற்றால் பாதிக்கப்பட்ட புதுச்சேரி முத்தியால்பேட்டையைச் சோ்ந்த 77 வயதானவா் உயிரிழந்தாா். இதையடுத்து, பலியானோா் எண்ணிக்கை 630-ஆக அதிகரித்தது. இறப்பு விகிதம் 1.66 சதவீதம்.

தற்போது 355 போ் சிகிச்சை பெற்று வருகின்றனா். இதுவரை 36,962 போ் குணமடைந்தனா். குணமடைந்தோா் விகிதம் 97.40 சதவீதம். இதுவரை 4,70,201 பேருக்கு பரிசோதனைகள் மேற்கொள்ளப்பட்டன.