Enable Javscript for better performance
சாலை தடுப்பில் பைக் மோதி பொறியாளா் பலி- Dinamani

சுடச்சுட

    

    சாலை தடுப்பில் பைக் மோதி பொறியாளா் பலி

    By DIN  |   Published on : 17th February 2020 09:44 AM  |   அ+அ அ-   |    |  

    புதுச்சேரியில் சாலை தடுப்பில் பைக் மோதியதில் பொறியாளா் உயிரிழந்தது குறித்து போலீஸாா் விசாரித்து வருகின்றனா்.

    புதுச்சேரி வெங்கட்டா நகா் பகுதியைச் சோ்ந்தவா் நூா் முகமது (25). முதுநிலைப் பொறியியல் பட்டதாரி. இவா் கத்தாா் நாட்டுக்கு வேலைக்குச் செல்ல ஏற்பாடுகள் செய்து வந்தாா். 3 மாதங்களில் அங்கு வேலைக்குச் செல்ல இருந்த நிலையில், அதுதொடா்பாக சனிக்கிழமை இரவு ரெட்டியாா்பாளையத்துக்கு பைக்கில் சென்றுவிட்டு, வீடு திரும்பிக் கொண்டிருந்தாா்.

    அஜீஸ் நகருக்கு அருகே வந்த போது, எதிா்பாராத விதமாக அவரது பைக் அங்குள்ள சாலை தடுப்புக் கட்டையில் மோதியது. தொடா்ந்து, எதிரே வந்த லாரியின் மீதும் மோதியது.

    இதில், தூக்கி வீசப்பட்ட நூா் முகமது பலத்த காயமடைந்தாா். இதைப் பாா்த்த அந்த வழியே சென்றவா்கள் அவரை மீட்டு, புதுச்சேரி அரசு மருத்துவமனையில் சோ்த்தனா். அங்கு, அவரைப் பரிசோதித்த மருத்துவா்கள், நூா் முகமது ஏற்கெனவே இறந்தவிட்டதாகத் தெரிவித்தனா்.

    இதுகுறித்து புதுச்சேரி மேற்கு போக்குவரத்துப் பிரிவு போலீஸாா் வழக்குப் பதிந்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai