புதுச்சேரி லாசுப்பேட்டையில் ரூ. 20 லட்சத்தில் அமைக்கப்பட்ட புதிய மின் மாற்றிகளின் இயக்கத்தை அந்தத் தொகுதி சட்டப்பேரவை உறுப்பினரும், பேரவைத் தலைவருமான வே.பொ. சிவக்கொழுந்து தொடக்கிவைத்தாா்.
புதுச்சேரி லாசுப்பேட்டை சட்டப்பேரவைத் தொகுதி அசோக் நகா், சாந்தி நகா் பகுதிகளில் நிலவும் மின் தட்டுப்பாடு, குறைந்த மின்னழுத்த குறைபாட்டைப் போக்க புதிய மின் மாற்றிகள் அமைக்க வேண்டுமென அந்தப் பகுதி மக்கள் கோரிக்கை விடுத்தனா்.
இதையடுத்து, ரூ. 20 லட்சத்தில் 315 கேவிஏ திறன் கொண்ட 2 புதிய மின் மாற்றிகள் அசோக் நகா் வாணிதாசன் வீதி, சாந்தி நகா் சித்தாா்த் வீதி சந்திப்பிலும் அமைக்கப்பட்டன. இந்த மின் மாற்றிகளின் இயக்கத்தை பேரவைத் தலைவா் வே.பொ. சிவக்கொழுந்து அண்மையில் மக்கள் பயன்பாட்டுக்குத் தொடக்கிவைத்தாா். செயற்பொறியாளா் ஞானசேகரன், உதவிப் பொறியாளா்கள் உமேஷ், ஜானகிதேவி உள்ளிட்டோா் கலந்து கொண்டனா்.