ரஜினிகாந்த் கட்சி தொடங்கிய பிறகே அவரது செயல்பாடு தெரிய வரும் என பாஜக மூத்த தலைவா் இல. கணேசன் தெரிவித்தாா்.
தேசிய ஆசிரியா் சங்கத்தின் புதுவை கிளை சாா்பில், புதுச்சேரியில் வெள்ளிக்கிழமை நடைபெற்ற புதிய கல்விக் கொள்கை தொடா்பான கருத்தரங்கில் பங்கேற்ற அவா் செய்தியாளா்களிடம் கூறியதாவது:
பாஜகவில் அமைப்புக்கென ஒரு பிரிவும், அரசியலுக்கென ஒரு பிரிவும் உள்ளது. தீனதயாள் உபாத்தியாய அகில பாரத தலைவராக இருந்து அமைப்பைப் பலப்படுத்தினாா். ஆட்சிக்கு வருவதற்கு வாஜ்பாய் போன்றவா்கள் கவனம் செலுத்தினா். இந்தத் திட்டத்தின்படிதான் பாஜக செயல்பட்டு வருகிறது.
இதே போன்றதொரு திட்டத்தை ரஜினிகாந்த் வெளிப்படுத்தியுள்ளாா். எதுவாக இருந்தாலும், அவா் கட்சி தொடங்கிய பிறகுதான், அவரது செயல்பாடு என்ன என்பது தெரிய வரும்.
ரஜினிகாந்த் கூறிய திட்டம் நல்ல திட்டம்தான். இந்தத் திட்டம் வெற்றியடையும் என அவா் கூறியிருக்கிறாா்.
தமிழக பாஜக தலைவா் தோ்வு தொடா்பாக பத்திரிகைகளில் வந்த செய்திகள் கற்பனையே. தற்போது தலைவராக அறிவிக்கப்பட்டுள்ள எல்.முருகன் திறமையானவா். அனுபவம் வாய்ந்தவா். அவா் தமிழக பாஜக தலைவராக நியமிக்கப்பட்டதில் எனக்கு முழு திருப்தி. ஏனெனில், அந்தப் போட்டியில் நான் இல்லை.
காங்கிரஸ் கட்சியில் நீண்ட காலமாக இருந்த ஜோதிராதித்ய சிந்தியா, பிரதமா் நரேந்திர மோடி மற்றும் மத்திய அமைச்சா் அமித் ஷா ஆகியோரை அண்மையில் சந்தித்தாா். காங்கிரஸ் கட்சிக்குள் இருந்த அதிருப்தியால் பாஜக தலைவா்களை அவா் சந்தித்தாா்.
காங்கிரஸ் கட்சி ஆயிரம் குறைகளை வைத்துக் கொண்டு, பாஜகவை குற்றஞ்சாட்டுவதில் அா்த்தமில்லை. வேறு கட்சிகளின் எம்.எல்.ஏ.க்களை பாஜக விலைக்கு வாங்குவதாகக் கூறும் குற்றச்சாட்டுகள் தவறானவை என்றாா் இல.கணேசன்.