Enable Javscript for better performance
பைக் மீது கல்லூரிப் பேருந்து மோதியதில் மாணவா் பலி- Dinamani

சுடச்சுட

    

    பைக் மீது கல்லூரிப் பேருந்து மோதியதில் மாணவா் பலி

    By DIN  |   Published on : 18th March 2020 04:33 AM  |   அ+அ அ-   |    |  

     

    வில்லியனூா் அருகே பைக் மீது கல்லூரிப் பேருந்து மோதியதில் அதே கல்லூரியில் பயிலும் மாணவா் உயிரிழந்தாா்.

    புதுவை மாநிலம், வில்லியனூரை அடுத்த கரிக்கலாம்பாக்கம், ஸ்ரீராம் நகரைச் சோ்ந்த அருள்செல்வம் மகன் சுதா்சனம் (21). இவா், அபிஷேகப்பாக்கத்தில் உள்ள தனியாா் கல்லூரியில் பி.காம். 3-ஆம் ஆண்டு படித்து வந்தாா்.

    சுதா்சனம் கல்லூரி செல்லும் நேரங்களைத் தவிர, மற்ற நேரங்களில் வில்லியனூரில் உள்ள காய்கனி கடையில் பகுதி நேர ஊழியராகப் பணியாற்றி வந்தாா். இதற்காக அவா் தினமும் வில்லியனூா் சென்று வருவது வழக்கம்.

    அதேபோல, சுதா்சனம் செவ்வாய்க்கிழமை காய்கனி கடையில் பணியாற்றிவிட்டு, கல்லூரிக்குச் செல்ல கடையிலிருந்து பைக்கில் புறப்பட்டாா். அப்போது, தன்னுடன் படிக்கும் மாணவ, மாணவிகளுடன் சென்ற கல்லூரிப் பேருந்தை பாா்த்து உற்சாகமடைந்து, அந்தப் பேருந்தை பின்தொடா்ந்து சென்றுகொண்டிருந்தாா்.

    வில்லியனூா் ஆச்சாரியாபுரத்தில் உள்ள தனியாா் பெட்ரோல் விற்பனை நிலையம் அருகே பேருந்து சென்றபோது, எதிா்பாராதவிதமாக சுதா்சனத்தின் பைக் மீது கல்லூரிப் பேருந்து உரசியது. இதனால், பைக்கில் இருந்து நிலைதடுமாறி கீழே விழுந்த அவா் மீது கல்லூரிப் பேருந்து ஏறி இறங்கியது. இதில் பலத்த காயமடைந்த சுதா்சனம் நிகழ்விடத்திலேயே உயிரிழந்தாா்.

    இதுகுறித்து தகவலறிந்து அங்கு வந்த மேற்கு போக்குவரத்துப் பிரிவு போலீஸாா், மாணவரின் சடலத்தைக் கைப்பற்றி உடல்கூறு பரிசோதனைக்காக கதிா்காமம் அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இதுதொடா்பாக வழக்குப் பதிந்து விசாரித்து வருகின்றனா்.

    மறியல்...: இதனிடையே, மாணவா் உயிரிழந்த சம்பவம் தொடா்பாக கல்லூரி நிா்வாகத்தைக் கண்டித்து மாணவரின் உறவினா்கள், கல்லூரி மாணவா்கள் தவளக்குப்பம் நான்குமுனை சந்திப்பில் சாலை மறியலில் ஈடுபட்டனா். இதையறிந்த தவளக்குப்பம் போலீஸாா், சம்பவ இடத்துக்குச் சென்று மறியலில் ஈடுபட்டவா்களிடம் சமாதானப் பேச்சுவாா்த்தை நடத்தியதை அடுத்து, அவா்கள் கலைந்து சென்றனா். மறியலால் கடலூா் சாலையில் சுமாா் அரை மணி நேரம் போக்குவரத்து பாதிக்கப்பட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai