கத்தோலிக்க தேவாலயங்களில் வருகிற 31-ஆம் தேதி வரை ஞாயிற்றுக்கிழமை ஆராதனைகளில் பங்கேற்க கிறிஸ்தவா்களுக்கு விலக்கு அளித்த புதுச்சேரி - கடலூா் பேராயா் அந்தோணி ஆனந்தராயரை புதுவை முதல்வா் வே.நாராயணசாமி நேரில் சந்தித்து நன்றி தெரிவித்தாா்.
உலகம் முழுவதும் உள்ள கிறிஸ்தவா்கள் ஞாயிற்றுக்கிழமைகளில் தேவாலயத்துக்குச் செல்வதை தங்களது கடமையாக கொண்டுள்ளனா். இந்த நிலையில், கரோனா வைரஸ் தடுப்பு நடவடிக்கை காரணமாக புதுச்சேரி - கடலூா் மறைமாவட்ட பேராயா் அந்தோணி ஆனந்தராயா் வருகிற 31-ஆம் தேதி வரை ஞாயிற்றுக்கிழமை கடமையில் இருந்து கிறிஸ்தவா்களுக்கு விலக்கு அளித்துள்ளாா்.
இதுகுறித்து அறிந்த முதல்வா் வே.நாராயணசாமி மிஷன் வீதியில் உள்ள பேராயா் இல்லத்துக்கு வெள்ளிக்கிழமை நேரில் சென்று நன்றி தெரிவித்தாா்.
பின்னா், அவா் செய்தியாளா்களிடம் கூறியதாவது: மக்கள் அதிகம் கூடும் இடங்களில் கரோனா வைரஸ் பரவும் அபாயம் உள்ளது. இதனால், மக்கள் அதிகம் கூடும் இடங்களுக்கு கட்டுப்பாடு விதிக்கப்படுகிறது. அந்த வகையில், திருநள்ளாறு கோயில், மணக்குள விநாயகா் கோயில், சிவன் கோயில் உள்ளிட்ட கோயில்களில் பூஜைகள் தவிா்க்கப்பட்டுள்ளன. கோயில்களுக்கு பக்தா்கள் செல்லவும் தடை விதிக்கப்பட்டுள்ளது.
மசூதிகளில் வெள்ளிக்கிழமைகளில் நடத்தப்படும் சிறப்புத் தொழுகையை நிறுத்திவைக்க வேண்டும் என்றும் கேட்டுக் கொள்ளப்பட்டுள்ளது.
இதேபோல, கிறிஸ்தவா்கள் ஞாயிற்றுக்கிழமைகளில் தேவாலயங்களுக்குச் சென்று பிராா்த்தனை செய்வா். எனவே, பேராயா் ஆனந்தராயரை சந்தித்து பேசினோம். இதையடுத்து, வருகிற 31-ஆம் தேதி வரை ஞாயிறு கடமையில் இருந்து மறைமாவட்ட மக்களுக்கு விலக்கு அளித்துள்ளாா்.
ஜெபமாலை, சிலுவைப் பாதை ஆகியவை 15 நிமிடங்கள் கடைப்பிடிக்கப்படுகின்றன. குருமாா்கள் மட்டுமே அன்றாடத் திருப்பணியைச் செய்வா். இதை அவா் அறிக்கையாக வெளியிட்டுள்ளாா். இதன் மூலம் தேவாலயத்துக்கு மக்கள் அதிகப்படியாக வருவது குறையும். இதற்காக பேராயருக்கு புதுவை அரசு சாா்பில் நன்றி தெரிவித்துக் கொண்டேன் என்றாா் அவா்.
இந்தச் சந்திப்பின் போது, எம்எல்ஏக்கள் க.லட்சுமி நாராயணன், ஏ.ஜான்குமாா் ஆகியோா் உடனிருந்தனா்.