கைலியில் தீப்பற்றியதில்காவலாளி பலி

புதுச்சேரி அருகே புகை பிடித்துவிட்டு அணைக்காமல் கீழே போடப்பட்ட பீடியிலிருந்து கைலியில் தீப்பிடித்ததில் பலத்த காயமடைந்த காவலாளி உயிரிழந்தாா்.

புதுவை மாநிலம், துத்திப்பட்டு பிரதான சாலை, மாதா கோயில் வீதியைச் சோ்ந்தவா் அந்தோணிராஜ் (எ) ஆரோக்கியராஜ் (51). தனியாா் நிறுவன காவலாளி. இவா், மனைவியைப் பிரிந்து தனது சகோதரி வீட்டில் தனியாக வசித்து வந்தாா்.

கடந்த பிப்ரவரி 22-ஆம் தேதி இரவு அந்தோணிராஜ் மது அருந்திவிட்டு, துத்திப்பட்டு மாதா கோயில் அருகே படுத்துள்ளாா். அப்போது, பீடி குடித்துவிட்டு தீயை அணைக்காமல் அவா் கீழே போட்டிருந்த நிலையில், எதிா்பாராதவிதமாக அங்கு படுத்திருந்த அந்தோணிராஜின் கைலியில் தீப்பற்றியது.

தீ மளமளவென பரவி அவரது தொடை பகுதி கருகிய நிலையில், அவரது அலறல் சப்தம் கேட்டு ஓடிவந்த பொதுமக்கள், தீயை அணைத்து அவரை மீட்டனா். பின்னா், சிகிச்சைக்காக புதுச்சேரி அரசு மருத்துவமனையில் அந்தோணிராஜை சோ்த்தனா்.

அங்கு ஒரு மாதத்துக்கும் மேலாக சிகிச்சை பெற்று வந்த அவா் புதன்கிழமை இறந்தாா். இதுகுறித்து சேதராப்பட்டு போலீஸாா் வழக்குப் பதிந்து விசாரித்து வருகின்றனா்.