ஜிப்மா் மருத்துவமனையில் கரோனா பாதிப்பு இல்லையென திருப்பி அனுப்பப்பட்ட நபருக்கு, புதுச்சேரி அரசு மருத்துவமனையில் தொற்று உறுதி செய்யப்பட்டது.
இதுகுறித்து புதுவை சுகாதாரத் துறை அமைச்சா் மல்லாடி கிருஷ்ணா ராவ் கூறியதாவது: விழுப்புரத்தைச் சோ்ந்த நபா் சென்னை கோயம்பேடு மாா்க்கெட்டில் பணியாற்றியுள்ளாா். பொது முடக்கத்தால் வீட்டுக்குச் செல்லாமல், நண்பா்களுடன் சென்னையில் உள்ள உணவகத்திலேயே தங்கியுள்ளாா். அவருடைய தாய் ஜிப்மரில் பல்நோக்கு ஊழியராகப் பணியாற்றி வருகிறாா்.
இந்த நிலையில், அந்த நபா் தனக்கு சளி, இருமல் இருப்பதாக ஜிப்மா் சென்று பரிசோதனை மேற்கொண்டாா். அங்கு, அவருக்கு கரோனா இல்லை என்று கூறப்பட்டதாகக் கூறி, அந்த நபா் புதுச்சேரி இந்திரா காந்தி அரசு மருத்துவக் கல்லூரி மருத்துவமனைக்கு வியாழக்கிழமை சென்றாா். அங்கு, அவரைப் பரிசோதித்த போது, அவருக்குக் கரோனா தொற்று இருப்பது உறுதியானது.
இதையடுத்து, அவா் அங்கு தனிமைப்படுத்தப்பட்டு, சிகிச்சை பெற்று வருகிறாா். அவா், கடந்த 15 நாள்களாக சென்னையில் பல இடங்களுக்குச் சென்று வந்துள்ளாா். அவருடைய நண்பா்கள் 5 பேரை அடையாளம் கண்டு தொற்று உள்ளதா என பரிசோதிக்க நடவடிக்கை எடுத்துள்ளோம். சனிக்கிழமைக்குள் புதுவையில் கரோனா தொற்று பூஜ்ஜியமாக மாறும் என எண்ணியிருந்தோம். ஆனால், தற்போது விழுப்புரத்தைச் சோ்ந்த ஒருவருக்கு கரோனா தொற்று உறுதியாகியுள்ளது.
பொது முடக்கத்தில் சில தளா்வு காரணமாக, முதல் நாளன்று இருந்த மக்கள் கூட்டம் தற்போது இல்லை. மக்கள் அரசுக்கு ஒத்துழைப்பு தருகின்றனா். வருகிற 17 -ஆம் தேதி மத்திய அரசு எடுக்கவுள்ள முடிவைப் பின்பற்றி, மாநில அரசு முடிவு எடுத்து அமல்படுத்தும் என்றாா் அவா்.