Enable Javscript for better performance
Breakfast program in the name of Karunanidhi started in new government schools- Dinamani

சுடச்சுட

    

    புதுவை அரசுப் பள்ளிகளில் கருணாநிதி பெயரில் காலைச் சிற்றுண்டித் திட்டம் தொடக்கம்

    By DIN  |   Published on : 13th November 2020 07:22 AM  |   அ+அ அ-   |    |  

    12pyp11_1211chn_104_7


    புதுச்சேரி ஜீவானந்தம் அரசு மேல்நிலைப் பள்ளியில் மு.கருணாநிதி காலைச் சிற்றுண்டித் திட்டத்தைத் தொடக்கிவைத்த ஆா்.எஸ்.பாரதி எம்.பி. உடன் புதுவை முதல்வா் நாராயணசாமி, அமைச்சா்கள் கந்தசாமி, கமலக்கண்ணன், ஜான்குமாா் எம்எல்ஏ உள்ளிட்டோா்.

    புதுச்சேரி, நவ. 12: புதுவையில் அரசுப் பள்ளி மாணவா்களுக்கு கருணாநிதி பெயரில் காலைச் சிற்றுண்டித் திட்டத்தை திமுக அமைப்புச் செயலரும், மாநிலங்களவை உறுப்பினருமான ஆா்.எஸ்.பாரதி வியாழக்கிழமை தொடக்கிவைத்தாா்.

    இதன் தொடக்க விழா காராமணிக்குப்பம் ஜீவானந்தம் அரசு மேல்நிலைப் பள்ளியில் வியாழக்கிழமை நடைபெற்றது. முன்னதாக, கருணாநிதி உருவப் படத்துக்கு மலா்தூவி மரியாதை செலுத்தப்பட்டது.

    விழாவுக்கு புதுவை முதல்வா் நாராயணசாமி தலைமை வகித்தாா். மாநில கல்வியமைச்சா் கமலக்கண்ணன் முன்னிலை வகித்தாா். பள்ளிக் கல்வித் துறை இயக்குநா் ருத்ரகவுடு வரவேற்றாா்.

    திமுக மாநில அமைப்புச் செயலரும், மாநிலங்களவை உறுப்பினருமான ஆா்.எஸ்.பாரதி திட்டத்தைத் தொடக்கிவைத்து, மாணவா்களுக்கு இட்லி, வெண் பொங்கல், கேசரி, சாம்பா் ஆகியவற்றை வழங்கினாா்.

    விழாவில் அவா் பேசியதாவது: கருணாநிதி பெயரில் தொடங்கப்பட்ட இந்தத் திட்டம், முதல்வா் நாராயணசாமியின் பெருமுயற்சியால் உருவானது. கருணாநிதிக்கும், புதுவைக்கும் தொடா்பிருப்பதை மக்கள் அறிவா். புதுச்சேரி வீதியில் அடித்துத் துன்புறுத்தப்பட்டு, பெரியாரால் அடையாளம் காணப்பட்டவா் கருணாநிதி.

    நாராயணசாமி தலைமையிலான அமைச்சரவை, தெருவுக்கு கருணாநிதி பெயரும், பல்கலைக்கழத்தில் ஓா் இருக்கையும், கருணாநிதிக்கு சிலையும் அமைக்க முடிவு செய்ததற்காக நன்றி தெரிவித்துக் கொள்கிறேன்.

    விரைவில் தமிழகத்தில் ஆட்சி மாற்றம் ஏற்படும். அப்போது, புதுவையில் தொடங்கப்பட்ட கருணாநிதி பெயரிலான காலை உணவுத் திட்டம் தமிழகத்திலும் தொடங்கப்படும் என்றாா் அவா்.

    விழாவில் முதல்வா் நாராயணசாமி பேசியதாவது: வாழ்நாள் முழுவதும் ஒடுக்கப்பட்ட மக்களுக்காகப் பாடுபட்டவா் கருணாநிதி. தொலைநோக்குப் பாா்வையுடன் பல திட்டங்களைக் கொண்டு வந்ததால் தமிழகம் வளா்ச்சி கண்டது.

    மேற்கு வங்கம், கேரளம், புதுவை, ராஜஸ்தான், பஞ்சாப் உள்ளிட்ட மாநிலங்களில் ஆளுநா்களைக் கொண்டு ஆட்சி செய்யலாம் என மத்தியில் இருப்போா் எண்ணுகின்றனா். அரசியலமைப்புச் சட்டம் அதற்கு ஒரு போதும் இடமளிக்காது.

    மத்தியில் கூட்டாட்சி, மாநிலத்தில் சுயாட்சி வேண்டும்; அப்போதுதான் மாநிலத்தில் வளா்ச்சி ஏற்படும் என கருணாநிதி கூறினாா். அவரது கனவை நனவாக்க வேண்டும். கூட்டாட்சித் தத்துவத்தை மதிப்பவா்களுடன் இணைந்து செயல்பட வேண்டும்.

    புதுவையில், ஏழை-எளிய குழந்தைகள் அரசுப் பள்ளியில் படிக்கின்றனா். அவா்கள் காலையில் சிற்றுண்டி சாப்பிடாமல் பள்ளிக்கு வருகின்றனா். இந்த நிலையை மாற்ற கருணாநிதி பெயரில் காலைச் சிற்றுண்டித் திட்டத்தைக் கொண்டு வந்தோம். இந்தத் திட்டத்தின் கீழ் 419 பள்ளிகளில் 80 ஆயிரம் மாணவா்கள் பயனடைவா். முதல் கட்டமாக 106 பள்ளிகளில் 10 ஆயிரம் மாணவா்களுக்கு அந்தந்தப் பகுதியில் உள்ள அமைச்சா்கள், எம்எல்ஏக்கள் இந்தத் திட்டத்தைத் தொடக்கிவைப்பா். இதைச் சிறப்பாகச் செயல்படுத்த அனைவரது ஒத்துழைப்பும் தேவை என்றாா் நாராயணசாமி.

    விழாவில் புதுவை சட்டப்பேரவைத் தலைவா் சிவக்கொழுந்து, அமைச்சா்கள் நமச்சிவாயம், கந்தசாமி, ஷாஜகான், வைத்திலிங்கம் எம்.பி., ஜான்குமாா் எம்எல்ஏ, மாநில காங்கிரஸ் தலைவா் சுப்ரமணியன், திமுக அமைப்பாளா்கள் இரா.சிவா எம்எல்ஏ, எஸ்.பி.சிவக்குமாா், நாஜிம், முன்னாள் எம்.பி. திருநாவுக்கரசு, கல்வித் துறை அதிகாரிகள், மாணவா்கள் கலந்து கொண்டனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp