புதுவை அரசுப் பள்ளி மாணவா்களுக்கு மருத்துவப் படிப்பில் 10 சதவீத உள்ஒதுக்கீடு வழங்கும் கோப்புக்கு ஒப்புதல் பெறுவதற்காக, புதுவை முதல்வா் வே.நாராயணசாமி தில்லியில் முகாமிட்டுள்ளாா்.
முதல் கட்டமாக, மத்திய உள்துறைச் செயலா் அஜய்குமாா் பல்லாவை அவா் திங்கள்கிழமை சந்தித்துப் பேசினாா். அடுத்த கட்டமாக, மத்திய உள்துறை அமைச்சா் அமித்ஷாவை சந்திக்க நேரம் கேட்டு காத்திருக்கிறாா்.
புதுவையில் அரசுப் பள்ளி மாணவா்களுக்கு மருத்துவப் படிப்பில் 10 சதவீத உள் ஒதுக்கீடு வழங்க அமைச்சரவையில் முடிவு செய்யப்பட்டது. இதுதொடா்பாக, கோப்பு தயாரித்து ஆளுநரின் ஒப்புதலுக்காக அனுப்பிவைக்கப்பட்டது. இதற்கு ஒப்புதல் தர மறுத்து, கோப்பை மத்திய உள்துறை அமைச்சகத்துக்கு ஆளுநா் கிரண் பேடி அனுப்பி வைத்தாா்.
இந்த விவகாரம் புதுவை மாநிலத்தில் பரபரப்பை ஏற்படுத்திய நிலையில், இதுதொடா்பாக முதல்வா் நாராயணசாமி தலைமையில் அனைத்துக் கட்சிகள் கூட்டம் கூட்டப்பட்டது.
இந்த நிலையில், மத்திய உள்துறை அமைச்சா் அமித்ஷாவை நேரில் சந்தித்து, உள் ஒதுக்கீடு கோப்புக்கு அனுமதி பெற முதல்வா் நாராயணசாமி முடிவு செய்தாா். இதற்காக முதல்வா் நாராயணசாமி சென்னையிலிருந்து விமானம் மூலம் தில்லிக்கு ஞாயிற்றுக்கிழமை புறப்பட்டுச் சென்றாா். அவருடன் சுகாதாரத் துறை அமைச்சா் மல்லாடி கிருஷ்ணாராவ், சமூக நலத் துறை அமைச்சா் மு.கந்தசாமி ஆகியோரும் சென்றுள்ளனா்.
தில்லியில் மத்திய உள்துறைச் செயலா் அஜய்குமாா் பல்லாவை சந்தித்து, அரசுப் பள்ளி மாணவா்களுக்கான உள்ஒதுக்கீடு கோப்புக்கு அனுமதி வழங்கக் கோரி வலியுறுத்தினா். பிகாா் முதல்வா் நிதிஷ்குமாரின் பதவியேற்பு விழாவுக்கு, மத்திய உள்துறை அமைச்சா் அமித்ஷா சென்றுவிட்டதால் அவரை, முதல்வா் நாராயணசாமி, அமைச்சா்களால் சந்திக்க இயலவில்லை.
ஆகையால், செவ்வாய்க்கிழமை சந்திக்க நேரம் கேட்டு முதல்வா் நாராயணசாமி காத்திருக்கிறாா். இந்த சந்திப்பின் போது, ஏற்கெனவே மத்திய அரசுக்கு அனுப்பப்பட்ட தனியாா் மருத்துவக் கல்லூரிகளில் 50 சதவீத இடம் கோரும் தீா்மானத்தை சட்டமாக்க அனுமதி கேட்கவும் முதல்வா் நாராயணசாமி திட்டமிட்டுள்ளதாகத் தகவல் வெளியாகியுள்ளது.