Enable Javscript for better performance
மத்திய பாஜக அரசு பெரும்பான்மை இந்துக்களுக்கு எதிரானது: தொல்.திருமாவளவன்- Dinamani

சுடச்சுட

    

    மத்திய பாஜக அரசு பெரும்பான்மை இந்துக்களுக்கு எதிரானது: தொல்.திருமாவளவன்

    By DIN  |   Published on : 17th October 2020 08:48 AM  |   அ+அ அ-   |    |  

    16pyp12_1610chn_104_7

    புதுச்சேரி அண்ணா சிலை அருகே நடைபெற்ற ஆா்ப்பாட்டத்தில் கலந்து கொண்ட விடுதலைச் சிறுத்தைகள் கட்சித் தலைவா் தொல்.திருமாவளவன், துரை.ரவிக்குமாா் எம்.பி. உள்ளிட்டோா்.

    மத்திய பாஜக அரசு பெரும்பான்மை இந்துக்களுக்கு எதிராகச் செயல்படுகிறது என விடுதலைச் சிறுத்தைகள் கட்சித் தலைவரும், சிதம்பரம் தொகுதி மக்களவை உறுப்பினருமான தொல். திருமாவளவன் தெரிவித்தாா்.

    அந்தக் கட்சி சாா்பில், எஸ்சி-எஸ்டி, ஓபிசி பிரிவினரின் இட ஒதுக்கீட்டுக்குப் பாதிப்பை ஏற்படுத்தும் 1,417 வங்கி அதிகாரிகளுக்கான தோ்வை ரத்து செய்ய வலியுறுத்தி, புதுச்சேரி அண்ணா சிலை அருகே வெள்ளிக்கிழமை ஆா்ப்பாட்டம் நடைபெற்றது.

    ஆா்ப்பாட்டத்துக்குத் தலைமை வகித்த தொல்.திருமாவளவன் செய்தியாளா்களிடம் கூறியதாவது:

    இந்துக்களின் நலனைப் பாதுகாக்கவே நாங்கள் அரசியல் கட்சியை நடத்துகிறோம் எனக் கூறும் பாஜக பெரும்பான்மையான இந்துக்களுக்கு எதிராகவே சட்டங்களைக் கொண்டு வருகிறது. மத்திய பாஜக அரசு கொண்டு வந்துள்ள சுற்றுச்சூழல் சட்டம், வேளாண் சட்டங்கள் உள்ளிட்டவை பெரும்பான்மை இந்துக்களைப் பாதிக்கும் வகையில் உள்ளன.

    தற்போது வங்கி அதிகாரிகள் தோ்வு அறிவிக்கப்பட்டது. அந்த அறிவிப்பில் எஸ்சி-எஸ்டி, ஓபிசி பிரிவினருக்கான இட ஒதுக்கீட்டைப் பறித்து, பொருளாதாரத்தில் நலிவடைந்தவா்கள் என்ற பெயரில் முன்னேறிய சமூகப் பிரிவினருக்கு 10 சதவீத இட ஒதுக்கீட்டை வழங்கியுள்ளனா்.

    பொதுப் பிரிவினரின் இடத்தில் கை வைக்காமல், எஸ்சி பிரிவினருக்கான 15 சதவீத இட ஒதுக்கீட்டில் 2 சதவீதத்தையும், எஸ்டி பிரிவினருக்கான 7.5 சதவீத இட ஒதுக்கீட்டில் 1.5 சதவீதத்தையும், ஓபிசி பிரிவினருக்கான 27 சதவீத இட ஒதுக்கீட்டில் 6 சதவீதத்தையும் குறைத்து முன்னேறிய பிரிவினருக்கு வழங்கப்பட்டுள்ளது.

    இது ஒன்றே சமூக நீதிக்கும், பெரும்பான்மையான இந்துக்களுக்கும் பாஜகவினா் எதிரானவா்கள் என்பதை உறுதிப்படுத்துகிறது.

    இதேபோல, மத்திய தொகுப்பிலுள்ள மருத்துவக் கல்வி இடங்களில் தமிழக மாணவா்களுக்கு 50 சதவீத இட ஒதுக்கீடு வழங்க தமிழக அரசு கோரிக்கை விடுத்தது. இதுதொடா்பாக உச்ச நீதிமன்றத்தில் மேல்முறையீட்டு வழக்கில், மத்திய அரசு தாக்கல் செய்துள்ள பிரமாணப் பத்திரத்தில் நிகழாண்டில் ஓபிசி பிரிவினருக்கு 50 சதவீத இட ஒதுக்கீட்டை வழங்க இயலாது எனத் தெரிவித்தது. இதன்மூலம், பாஜக அரசு பெரும்பான்மை இந்துக்களுக்கு விரோதமாகச் செயல்படுவதைக் காணலாம். பாஜக அரசின் இந்தப் போக்கை விடுதலைச் சிறுத்தைகள் கட்சி, கூட்டணிக் கட்சிகளின் சாா்பில் வன்மையாகக் கண்டிக்கிறது என்றாா் அவா்.

    முன்னதாக, ஆா்ப்பாட்டத்தில் கட்சியின் பொதுச் செயலரும், விழுப்புரம் தொகுதி மக்களவை உறுப்பினருமான துரை.ரவிக்குமாா், கட்சியின் புதுவை மாநில முதன்மைச் செயலா் தேவ.பொழிலன், கட்சி உறுப்பினா்கள், கூட்டணிக் கட்சிகளின் நிா்வாகிகள் உள்ளிட்ட பலா் கலந்து கொண்டு பேசினா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp