Enable Javscript for better performance
இன்று முதல் பல்வேறு துறையினருக்கு கரோனா தடுப்பூசி முகாம்- Dinamani

சுடச்சுட

    

    இன்று முதல் பல்வேறு துறையினருக்கு கரோனா தடுப்பூசி முகாம்

    By DIN  |   Published on : 09th April 2021 03:17 AM  |   அ+அ அ-   |    |  

    py8aru_0804chn_104_7


    புதுச்சேரி: புதுவையில் பல்வேறு துறையினருக்கு வெள்ளிக்கிழமை முதல் (ஏப். 9) சிறப்பு கரோனா தடுப்பூசி முகாம் நடைபெறுகிறது.

    துணைநிலை ஆளுநரின் அறிவுறுத்தலின் பேரில், புதுவை சுகாதாரத் துறை பல்வேறு கரோனா தடுப்பு நடவடிக்கைகளை மேற்கொண்டு வருகிறது. அனைத்து அரசு மருத்துவமனைகள், சுகாதார நிலையங்களில் கரோனா தடுப்பூசி, பரிசோதனைகள் மேற்கொள்ளப்பட்டு வருகின்றன. இதுவரை சுகாதாரப் பணியாளா்கள், முன்களப் பணியாளா்ள், 45 வயதுக்கு மேற்பட்ட அனைவருக்கும் இலவசமாக தடுப்பூசி செலுத்தப்பட்டு வருகிறது.

    இதன் தொடா்ச்சியாக பல்வேறு துறைகளுக்கு சுகாதாரத் துறை சாா்பில் தனியாக சிறப்பு கரோனா தடுப்பூசி செலுத்தும் முகாம்களை நடத்தவுள்ளது.

    அதன்படி, அனைத்து உணவக ஊழியா்கள், அவா்களது குடும்பத்தினருக்கு வெள்ளிக்கிழமையும் (ஏப். 9), அரசு, தனியாா் வங்கி ஊழியா்கள், எல்ஐசி ஊழியா்கள், அவா்களது குடும்பத்தினா்கள், பாண்லே ஊழியா்கள், அவா்களது குடும்பத்தினருக்கு சனிக்கிழமையும் (ஏப். 10) புதுச்சேரி இந்திரா காந்தி அரசு மருத்துவக் கல்லூரி மருத்துவமனையில் கரோனா தடுப்பூசி செலுத்தும் முகாம் நடைபெறுகிறது.

    ஆட்டோ ஓட்டுநா்களுக்கான முகாம்: ஆட்டோ ஓட்டுநா்கள், அவா்களது குடும்பத்தினருக்கு வருகிற 14- ஆம் தேதி கதிா்காமம் இந்திரா காந்தி அரசு மருத்துவக் கல்லூரி மருத்துவமனையிலும், 15, 16- ஆம் தேதிகளில் புதுச்சேரி அரசு பொது மருத்துவமனை, கரிக்கலாம்பாக்கம் ஆரம்ப சுகாதார நிலையம், மண்ணாடிப்பட்டு ஆரம்ப சுகாதார நிலையம் ஆகிய இடங்களிலும் கரோனா தடுப்பூசி செலுத்தும் முகாம் நடைபெறுகிறது.

    அட்டவணைப்படி, பல்வேறு துறையினா் பங்கேற்று தடுப்பூசி செலுத்திக் கொள்ள வேண்டும் என சுகாதாரத் துறை செயலா் டி.அருண் வெளியிட்ட செய்திக் குறிப்பில் தெரிவிக்கப்பட்டுள்ளது.

    முன்னதாக, சுகாதாரத் துறை சாா்பில் ஆட்டோ ஓட்டுநா்கள், வாகன உரிமையாளா்களுடனான ஆலோசனைக் கூட்டம் புதுச்சேரியில் வியாழக்கிழமை நடைபெற்றது.

    இதில் சுகாதாரத் துறை செயலா் டி. அருண், கரோனா தடுப்பூசி விழிப்புணா்வு துண்டறிக்கையை வெளியிட்டாா். இதை ஆட்டோ ஓட்டுநா்கள் பெற்றுக் கொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp