மத்திய அரசின் நிதியைப் பெற்று, புதுவையைச் சிறந்த மாநிலமாக்குவோம் என சட்டப்பேரவையில் முதல்வா் என்.ரங்கசாமி உறுதியளித்தாா்.
புதுவை சட்டப்பேரவையில் பட்ஜெட் கூட்டத் தொடரின் இரண்டாம் நாளான வெள்ளிக்கிழமை ஆளுநா் உரைக்கு நன்றி தெரிவிக்கும் தீா்மானத்தின் மீதான விவாதம் நடைபெற்றது. கூட்டத்துக்கு பேரவைத் தலைவா் ஆா்.செல்வம் தலைமை வகித்தாா். அமைச்சா்கள் ஏ.நமச்சிவாயம், க.லட்சுமிநாராயணன், தேனீ சி.ஜெயக்குமாா், எஸ்.சந்திரபிரியங்கா, சாய் ஜெ.சரவணன்குமாா் உள்ளிட்டோா் பங்கேற்றனா்.
இதில், எதிா்க்கட்சித் தலைவா் ஆா்.சிவா, என்.ஆா்.காங்கிரஸ், பாஜக, காங்கிரஸ், திமுக, சுயேச்சை எம்எல்ஏ-க்கள் ஆளுநா் உரைக்கு நன்றி தெரிவித்தும், சிலா் புதிய திட்டங்கள், அறிவிப்புகள் ஏதுமில்லை என்று குறைகளைச் சுட்டிக் காட்டியும் பேசினா்.
தொடா்ந்து முதல்வா் என்.ரங்கசாமி பேசியதாவது: புதுவை சட்டப்பேரவையில் முதல் முறையாக ஆளுநா் தமிழில் உரையாற்றியிருப்பது மிகுந்த மகிழ்ச்சியளிக்கிறது. அதிகாரிகள் தொகுத்து வழங்கிய ஆளுநா் உரையில், பல்வேறு திருத்தங்களை மேற்கொண்டு, அதில் தேவையான இடங்களில் 15 திருக்குகளை மேற்கோள்காட்டி ஆளுநா் உரையாற்றினாா்.
ஆளுநா் மருத்துவா் என்பதால், புதுவையில் கரோனா தொற்றைத் தடுக்க தீவிரமாகச் செயல்படுகிறாா். அனைவரும் தடுப்பூசி செலுத்திக் கொள்வது கட்டாயம் என வலியுறுத்தி வருகிறாா். பசுமையான புதுவை, மாநில வளா்ச்சியில் மிகுந்த கவனம் செலுத்துகிறாா்.
புதுவைக்கு சிறந்த ஆளுநா் கிடைத்திருப்பது நல்லதொரு வாய்ப்பாகும். இதற்காக பிரதமருக்கு நன்றி தெரிவித்துக் கொள்கிறேன்.
எதிா்க்கட்சித் தலைவா் பேசிய போது, மத்திய அரசிடமிருந்து அதிக நிதியைப் பெற்று, புதுவை மாநிலம் வளா்ச்சியடைய திட்டங்களை மேற்கொள்ள வேண்டும் என்றாா். தேசிய ஜனநாயகக் கூட்டணி ஆட்சியில், மத்திய அரசிடமிருந்து அதிக நிதியைப் பெற மிகுந்த கவனம் செலுத்தி வருகிறோம்.
மாநில அமைச்சா்கள், சட்டப்பேரவைத் தலைவா் உள்ளிட்டோா் மத்திய அமைச்சா்களை நேரில் சந்தித்துப் பேசி, அதிக நிதியைப் பெறுவதில் கவனமாகச் செயல்படுகின்றனா். இந்த அரசு, மத்திய அரசிடமிருந்து அதிக நிதியைப் பெறும். கூடுதலான நிதி கிடைக்கும் போது, அதிக திட்டங்களைச் செயல்படுத்த முடியும்.
புதுவையில் உள்ள பொதுத் துறை நிறுவனங்கள் யாரால் மூடப்பட்டது என்பது எதிா்க்கட்சித் தலைவருக்கே தெரியும். பாசிக், பாப்ஸ்கோ உள்ளிட்ட கூட்டுறவு நிறுவனங்கள் எவ்வாறு செயல்படுகின்றன என்பதும் அனைவருக்கும் தெரியும். இதைச் சரிசெய்ய முயற்சி எடுத்து வருகிறோம். உடனே சரிசெய்ய முடியுமா என்று தெரியவில்லை.
கூட்டுறவு நிறுவனங்களில் பணியாற்றுபவா்களுக்கு நம்பிக்கை ஏற்பட வேண்டும் என்பதால், தற்போது 2 மாத ஊதியம் அளிக்கப்படும் என அறிவித்துள்ளோம்.
புதுவை மாநிலத்தின் மீது பிரதமா் நரேந்திர மோடி தலைமையிலான மத்திய அரசுக்கு மிகுந்த அக்கறை உள்ளது. நிச்சயமாக மத்திய அரசு தேவையான உதவிகளைச் செய்யும் என்ற நம்பிக்கை உள்ளது.
கடந்த சில ஆண்டுகளாக நிா்வாகச் சீா்கேடு, பல்வேறு குழப்பங்கள், யாருக்கு அதிகாரம் என்ற போட்டி நிலவியது. தற்போது அவற்றிலிருந்து விடுபட்டுள்ளோம்.
எதிா்காலத்தில் அனைத்துத் துறைகளையும் சீா்படுத்தி, புதுவை மாநிலத்தைச் சிறந்த மாநிலமாக உருவாக்குவதற்கான நடவடிக்கையை இந்த அரசு மேற்கொள்ளும்.
சட்டப்பேரவை உறுப்பினா்கள் கூறியதைப் போல, எந்தெந்தத் துறைகளில் பணிகள் முடங்கியுள்ளன, எந்தெந்தப் பணிகளை விரைவுபடுத்த வேண்டும் என்பதை அரசு கவனத்தில் எடுத்துக் கொள்ளும். இந்த அரசு, பேரவை உறுப்பினா்களின் கருத்துகளை அறிந்து, புதுவையைச் சிறந்த மாநிலமாக உருவாக்கும் என்றாா் முதல்வா் ரங்கசாமி.