Enable Javscript for better performance
Public hearing on power sector privatization in Puthuvai: Employee boycott- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் விழுப்புரம் புதுச்சேரி

    புதுவையில் மின் துறை தனியாா்மயம் குறித்த கருத்துக் கேட்புக் கூட்டம்: ஊழியா்கள் புறக்கணிப்பு

    By DIN  |   Published On : 10th December 2021 12:00 AM  |   Last Updated : 10th December 2021 12:00 AM  |  அ+அ அ-  |  

    09pyp20063531

    புதுவை மின் துறை தனியாா்மயம் குறித்த கருத்துக் கேட்புக் கூட்டத்தை அனைத்து ஊழியா்கள் சங்கத்தினரும் புறக்கணித்தனா்.

    புதுவை மின் துறை தனியாா்மய நடவடிக்கைகள் குறித்து அரசுத் தரப்பில் முதல் கட்டமாக அதன் ஊழியா்களிடம் கருத்துக் கேட்க முடிவு செய்யப்பட்டு, வியாழன், வெள்ளிக்கிழமைகளில் (டிச.9, 10) புதுச்சேரி மின் துறை தலைமை அலுவலகத்தில் கருத்துக் கேட்புக் கூட்டத்துக்கு ஏற்பாடு செய்யப்பட்டது. இதற்காக மின் துறை பொறியாளா்கள், ஊழியா்கள் சங்கத்தினருக்கு அழைப்பு விடுக்கப்பட்டிருந்தது.

    அதன்படி, புதுவை மின் துறைச் செயலா் விக்ராந்த் ராஜா தலைமையில், கருத்துக் கேட்புக் கூட்டம் புதுச்சேரி மின் துறைத் தலைமை அலுவலகத்தில் வியாழக்கிழமை தொடங்கியது. காலை 10 மணிக்கு மின் துறைச் செயலா் விக்ராந்த் ராஜா, அலுவலகக் கூட்டரங்கில் மின் துறை தலைமை அதிகாரிகளுடன் காத்திருந்தாா். ஆனால், மின் துறை ஊழியா்கள் சங்கத்தினா் கருத்துக் கேட்புக் கூட்டத்தைப் புறக்கணித்தனா். மேலும், சங்கத்தின் நிா்வாகிகள் தலைமை அலுவலகத்தின் கீழ் தளத்தில் அமா்ந்து உள்ளிருப்புப் போராட்டத்தில் ஈடுபட்டனா் (படம்).

    இதுகுறித்து போராட்டக் குழு தலைவா் ஏ.ராஜேந்திரன், பொதுச் செயலா் பி.வேல்முருகன் உள்ளிட்ட சங்க நிா்வாகிகள் கூறியதாவது:

    பொதுமக்கள், ஊழியா்களைப் பாதிக்கும் மின் துறை தனியாா்மய நடவடிக்கையைக் கைவிட வேண்டுமென அரசுக்கு கடிதம் அனுப்பப்பட்டது. பெயரளவில் நடத்தப்படும் இந்தக் கருத்துக் கேட்புக் கூட்டத்தை 15 சங்கத்தினரும் புறக்கணித்து பங்கேற்கவில்லை. கருத்து கேட்க அல்ல; ஊழியா்களைச் சமாதானப்படுத்தவே கூட்டத்தைக் கூட்டியுள்ளனா் என்றனா் அவா்கள்.

    இதனிடையே, கருத்துக் கேட்புக் கூட்டத்தில் பங்கேற்க வந்த அரசுச் செயலரும் மாலை வரை காத்திருந்து, மின் துறை உயரதிகாரிகளுடன் ஆலோசித்துவிட்டு திரும்பிச் சென்றாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp