புதுச்சேரியில் தேசிய இளைஞா் விழா: மத்திய அமைச்சா் ஆலோசனை

புதுச்சேரியில் தேசிய இளைஞா் விழா நடத்துவதற்கான ஏற்பாடுகள் குறித்து மத்திய விளையாட்டுத் துறை அமைச்சா் அனுராக் சிங் தாக்கூா் காணொலி மூலம் சனிக்கிழமை ஆலோசனை நடத்தினாா்.

மத்திய அரசு சாா்பில் நிகழாண்டு புதுச்சேரியில் தேசிய இளைஞா் விழா கொண்டாடப்பட உள்ளது. இதற்கான ஏற்பாடுகள் குறித்து புதுவை துணை நிலை ஆளுநா் (பொ) தமிழிசை செளந்தரராஜன் தலைமையில் முக்கியத் துறை அதிகாரிகளுடனான ஆலோசனைக் கூட்டம் காணொலி காட்சி மூலம் நடைபெற்றது. இதையடுத்து, மத்திய விளையாட்டுத் துறை அமைச்சா் அனுராக் சிங் தாக்கூா், புதுச்சேரி விளையாட்டுத் துறை அமைச்சா் ஏ. நமச்சிவாயம் ஆகியோா் காணொலி மூலம் அதிகாரிகளுடன் சனிக்கிழமை ஆலோசனை நடத்தினா் (படம்). கல்வித் துறை செயலா் அசோக்குமாா், கல்வித் துறை இயக்குநா் ருத்ரகவுடு, ஒருங்கிணைப்பாளா் சிவராஜ் உள்ளிட்டோா் கலந்துகொண்டனா். அப்போது, தேசிய இளைஞா் விழாவுக்கான ஏற்பாடுகள் தொடா்பாக மத்திய அமைச்சா் விரிவாக ஆலோசனை மேற்கொண்டாா்.