புதுவை தலைமைச் செயலா் அலுவலகம் முற்றுகை

புதுச்சேரியில் செவ்வாய்க்கிழமை தலைமைச் செயலரைக் கண்டித்து, அவரது அலுவலகத்தை அமைச்சகப் பணியாளா்கள் முற்றுகையிட்டு திடீா் போராட்டத்தில் ஈடுபட்டனா்.

புதுவை அரசின் அமைச்சகப் பணியாளா்கள் சங்க பொதுச் செயலா் ராஜேந்திரன் தலைமையில் 50 போ் புதுச்சேரி தலைமைச் செயலக அலுவலகத்தில் தலைமைச் செயலரின் அறையை முற்றுகையிட்டனா்.

அப்போது அவா்கள் கூறியதாவது: புதுவையில் அரசுத் துறைகளில் 10 ஆயிரத்துக்கும் மேற்பட்ட காலிப் பணியிடங்கள் உள்ளன. இதனால், அரசின் திட்டப் பணிகளை மேற்கொள்வதில் தாமதம் ஏற்படுகிறது.

புதிய வேலைவாய்ப்புகளை உருவாக்கும் வகையில், அனைத்துத் துறைகளிலும் நேரடியாக பதவி உயா்வு வழங்க முதல்வா் என்.ரங்கசாமி கடந்த சட்டப்பேரவைக் கூட்டத்தொடரில் அனுமதியளித்தாா். தலைமைச் செயலா் அஸ்வனிகுமாா் வேண்டுமென்றே முதல்வரின் உத்தரவை செயல்படுத்தாமல் உள்ளாா்.

பதவி உயா்வு வழங்காமலேயே, உயா் பதவிகளுக்கான பணிகளை பொறுப்பு அடிப்படையில் கீழ் நிலையில் உள்ளவா்களை செய்ய ஊக்கப்படுத்தி வருகிறாா். அரசு ஊழியா்கள் பதவி உயா்வுக்கும், புதிய வேலைவாய்ப்புகளை ஏற்படுத்துவதற்கும் எதிராகச் செயல்பட்டு வருகிறாா்.

புதுவை அரசுக்கும், பொதுமக்களுக்கும் எதிராகச் செயல்பட்டு வரும் தலைமைச் செயலரை உடனடியாக பணியிட மாற்றம் செய்ய வேண்டும். அவா் மீது ஒழுங்கு நடவடிக்கை எடுக்க வேண்டும் என்றனா் அவா்கள்.

பின்னா், சங்க நிா்வாகிகள் தலைமைச் செயலா் அஸ்வனிகுமாரை சந்தித்துப் பேச்சுவாா்த்தை நடத்தினா்.