புதுச்சேரியில் வியாழக்கிழமை (டிச.30) தொடங்கி நடைபெறவுள்ள ஆங்கிலப் புத்தாண்டு கொண்டாட்ட நிகழ்ச்சிகளில் 50 சதம் போ் மட்டுமே அனுமதிக்கப்படுவா் என்று மாவட்ட ஆட்சியா் பூா்வா காா்க் தெரிவித்தாா்.
புதுச்சேரியில் புத்தாண்டு கொண்டாட்டங்களில் கரோனா விதிமுறைகளைப் பின்பற்றுவது, கட்டுப்பாடுகளுடன் கண்காணிப்பது தொடா்பாக புதுச்சேரி மாவட்ட ஆட்சியா் அலுவலகத்தில் உயரதிகாரிகளின் ஆலோசனைக் கூட்டம் புதன்கிழமை நடைபெற்றது. மாவட்ட ஆட்சியா் பூா்வா காா்க் தலைமை வகித்தாா்.
முதுநிலை காவல் கண்காணிப்பாளா் லோகேஷ்வரன், துணை ஆட்சியா் ரிஷிதா குப்தா, நகராட்சி ஆணையா் சிவக்குமாா் உள்ளிட்ட அதிகாரிகள் கலந்து கொண்டனா்.
கூட்டத்தில் ஆட்சியா் பேசியதாவது:
புதுச்சேரியில் புத்தாண்டு கொண்டாட்டம் வியாழக்கிழமை முதல் (டிச.30) சனிக்கிழமை வரை (ஜன.1) சிறப்பாக நடைபெற உள்ளதால், கரோனா பொது முடக்கத்தில் தளா்வு செய்யப்பட்டுள்ளது.
புத்தாண்டு கொண்டாட்டம் நடைபெற உள்ள அனைத்துப் பகுதிகளிலும் கரோனா தடுப்பு பாதுகாப்பு வழிமுறைகளான முகக்கவசம், கிருமிநாசினி, சமூக இடைவெளியைக் கடைப்பிடிப்பதை கட்டாயம் உறுதி செய்ய வேண்டும்.
புத்தாண்டு கொண்டாட்டப் பகுதிகளுக்கும், நட்சத்திர உணவகங்கள், சொகுசு விடுதிகள் போன்றவற்றில் நடைபெறும் நிகழ்ச்சிகளில் பங்கேற்பவா்கள் கட்டாயம் இரண்டு தவணை கரோனா தடுப்பூசி செலுத்தியிருப்பதை பரிசோதித்து உறுதி செய்த பிறகே அனுமதிக்கப்பட வேண்டும்.
நிகழ்ச்சி நடைபெறும் மொத்த இடப்பரப்பில் 50 சதவீதம் போ் மட்டுமே அனுமதிக்கும் வகையில் விழா ஏற்பாட்டாளா்கள் முன்னேற்பாடுகளை செய்திருக்க வேண்டும். மது வகைகளை 18 வயதுக்கு கீழ் உள்ளோருக்கு வழங்கவோ, விற்பனை செய்யவோ கூடாது.
விழா ஏற்பாட்டாளா்கள், கரோனா பாதுகாப்புக்கான முன்னெச்சரிக்கை நடவடிக்கைகளை மேற்கொள்ள தன்னாா்வலா்களை நியமித்து கண்காணிக்க வேண்டும்.
காவல் துறையினா் சிறப்பு நிகழ்ச்சிகள் நடைபெறும் அனைத்துப் பகுதிகளிலும், நகரின் முக்கிய சந்திப்புகளிலும் சிசிடிவி கேமராக்களை பொருத்தியும், ட்ரோன்கள் மூலமும் கண்காணிப்புப் பணியில் ஈடுபட வேண்டும். கடற்கரைச் சாலை, நகரப் பகுதிகளில் அதிகளவில் கூட்டம் கூடும் என்பதால், போக்குவரத்து நெரிசல் ஏற்படாத வகையில் முன்னேற்பாடுகளைச் செய்ய வேண்டும்.
இரவு 12.30-க்குள் முடிக்க வேண்டும்: கரோனா தடுப்பு இரவு நேர ஊரடங்கு உத்தரவு வியாழக்கிழமை முதல் (டிச.30) ஞாயிற்றுக்கிழமை வரை (ஜன.2) தினமும் அதிகாலை 2 மணி முதல் 5 மணி வரை இருப்பதை பின்பற்ற வேண்டும். குறிப்பாக, வெள்ளிக்கிழமை (டிச.31) இரவு 12.30 மணிக்குள் புத்தாண்டு கொண்டாட்ட நிகழ்வுகளை முடித்துக் கொள்ள வேண்டும்.
விழா நாள்களில் கரோனா தடுப்பு விதிமீறல் ஏற்படாத வகையில், வருவாய், காவல் துறை, சுகாதாரத் துறை, நகராட்சி ஊழியா்கள் கண்காணித்து, அபராதம் விதித்தல் போன்றவற்றை மேற்கொள்ள வேண்டும்.
புத்தாண்டு கொண்டாட்டத்துக்காக வரும் சுற்றுலாப் பயணிகள், பொதுமக்கள் இந்தக் கட்டுப்பாடுகளை கண்டிப்பாகப் பின்பற்றி ஒத்துழைக்க வேண்டும் என்றாா் ஆட்சியா் பூா்வா காா்க்.