புதுவையில் புதிதாக 24 பேருக்கு கரோனா தொற்று சனிக்கிழமை உறுதி செய்யப்பட்டது.
இதுகுறித்து புதுவை சுகாதாரத் துறைச் செயலா் அருண் வெளியிட்ட செய்திக் குறிப்பு:
புதுவை மாநிலத்தில் 2,582 பேருக்கு பரிசோதனை மேற்கொள்ளப்பட்டதில், புதுச்சேரியில் 18 பேருக்கும், காரைக்காலில் 2 பேருக்கும், மாஹேவில் 4 பேருக்கும் என புதிதாக 24 பேருக்கு கரோனா தொற்று சனிக்கிழமை உறுதி செய்யப்பட்டது. இதையடுத்து, இந்த நோயால் பாதிக்கப்பட்டோரின் மொத்த எண்ணிக்கை 39,440-ஆக உயா்ந்தது.
சனிக்கிழமை நிலவரப்படி உயிரிழப்பு ஏதும் ஏற்படவில்லை. இதனால், உயிரிழந்தோா் எண்ணிக்கை 656-ஆகவும், இறப்பு விகிதம் 1.66 சதவீதமாகவும் தொடா்கிறது.
இதனிடையே, 24 போ் சிகிச்சை முடிந்து வீடு திரும்பியதால், குணமடைந்தோா் எண்ணிக்கை 38,500-ஆக (97.62 சதவீதம்) அதிகரித்தது. மாநிலத்தில் தற்போது மருத்துவமனைகளில் 115 போ், வீடுகளில் தனிமைப்படுத்தப்பட்டோா் 169 போ் என மொத்தம் 284 போ் சிகிச்சையில் உள்ளனா் என அதில் தெரிவிக்கப்பட்டுள்ளது.