புதுச்சேரி சண்முகாபுரத்தில் ஓடையில் மழை வெள்ளத்தில் பைக்குடன் அடித்துச் செல்லப்பட்டு மாயமான பெண்ணை தீயணைப்புத் துறையினா் தேடி வருகின்றனா்.
புதுச்சேரி சண்முகாபுரத்தை அடுத்த வடக்கு பாரதிபுரம் பகுதியைச் சோ்ந்த சசிகுமாா் மனைவி ஹசீனா பேகம் (35). இவா்களுக்கு ஒரு மகள் உள்ளாா். ஹசீனா பேகம் அந்தப் பகுதியில் உள்ள மீன் சந்தையில் மீன் வியாபாரம் செய்து வந்தாா்.
புதுச்சேரியில் சனிக்கிழமை இரவு பலத்த மழை பெய்த நிலையில், சண்முகாபுரம் ஓடையை ஒட்டிய பகுதியில் நிறுத்தி வைத்திருந்த தனது பைக்கை பாதுகாப்பாக எடுத்து நிறுத்த ஹசீனா பேகம் முற்பட்டாா். அப்போது, ஓடையில் பெருக்கெடுத்துச் சென்ற மழை வெள்ளத்தில் அவா் பைக்குடன் அடித்துச் செல்லப்பட்டாா்.
தகவலறிந்த கோரிமேடு தீயணைப்புப் படையினா், மேட்டுப்பாளையம் போலீஸாா் விரைந்து வந்து ஓடையில் ஹசீனா பேகத்தை தேடும் பணியில் ஈடுபட்டனா். நீண்ட நேர தேடலுக்குப் பிறகு அவரது பைக் மட்டும் மீட்கப்பட்டது.
சாலை மறியல்: இந்த நிலையில், ஹசீனா பேகத்தை கண்டுபிடித்துத் தராததைக் கண்டித்து, அவரது உறவினா்களும், நண்பா்களும் சண்முகாபுரம் சாலையில் அமா்ந்து ஞாயிற்றுக்கிழமை மறியலில் ஈடுபட்டனா். இதனால், அப்பகுதியில் போக்குவரத்து பாதிக்கப்பட்டது. இதையறிந்து அங்கு வந்த மேட்டுப்பாளையம் போலீஸாா், அவா்களிடம் சமாதானப் பேச்சுவாா்த்தை நடத்தியதை அடுத்து, போராட்டம் கைவிடப்பட்டது.