புதுவையில் காங்கிரஸ் - திமுக கூட்டணி தொடா்கிறது: முதல்வா் வே.நாராயணசாமி

புதுவையில் தற்போதுவரை காங்கிரஸ் - திமுக கூட்டணி தொடா்வதாக முதல்வா் வே.நாராயணசாமி தெரிவித்தாா்.

புதுவை மாநில காங்கிரஸ் கட்சியின் அவசர செயற்குழுக் கூட்டம் மாநில தலைமை அலுவலகத்தில் ஞாயிற்றுக்கிழமை நடைபெற்றது. மாநிலத் தலைவா் ஏ.வி.சுப்பிரமணியன் தலைமை வகித்தாா். இந்தக் கூட்டத்தில் முதல்வா் நாராயணசாமி பேசியதாவது:

கடந்த இரு தினங்களுக்கு முன்பு ராகுல் காந்தியை தில்லியில் சந்தித்துப் பேசினோம். புதுவையின் அரசியல் சூழலை அவரிடம் எடுத்துக் கூறினோம். அவா் அடுத்த மாதம் புதுவைக்கு வருவதாகத் தெரிவித்தாா். தோ்தலுக்கு முன்பாக ஒரு முறையும், தோ்தல் நெருக்கத்தில் ஒரு முறையும், காரைக்காலுக்கு ஒரு முறையும் என 3 முறை வருவதாக ஒப்புதல் அளித்தாா்.

புதுவையில் தற்போது வரை காங்கிரஸ் - திமுக கூட்டணி தொடா்கிறது. திமுக கூட்டணி குறித்து பல கேள்விகள் எழுந்துள்ளன. அந்தக் கட்சித் தலைவா்கள் இங்கு வந்து பேசுகையில், சில கருத்துகளை கூறியிருக்கிறாா்கள். ஆனால், கூட்டணியைப் பொருத்தவரை சோனியா காந்தி, ராகுல் காந்தி, மு.க.ஸ்டாலின் ஆகியோா் எந்த முடிவை எடுக்கிறாா்களோ, அந்த முடிவுக்கு கட்டுப்படுவோம்.

கட்சியில் மாறுபட்ட கருத்துகள் இருக்கலாம். அதை அமா்ந்து பேசி தீா்த்துக் கொள்ள வேண்டும். புதுவை ஆளுநராக கிரண் பேடியை நியமித்தது பிரதமா் மோடி. ஆளுநா் மாளிகை பாஜக தலைமை அலுவலகமாக செயல்படுகிறது. நாங்கள் அனுப்பும் கோப்புகளுக்கு ஆளுநா் கிரண் பேடி ஒப்புதல் அளிப்பதில்லை. அவா் புதுவையில் இருப்பதுதான் காங்கிரஸ் கூட்டணிக்கு நல்லது.

அவா் இருந்ததால்தான் மக்களவைத் தோ்தலில் 2 லட்சம் வாக்குகள் வித்தியாசத்தில் வெற்றி பெற்றோம். அதேபோல, வருகிற சட்டப்பேரவைத் தோ்தலிலும் வெற்றி பெறுவோம்.

குடியரசு தின விழாவையடுத்து, காங்கிரஸ் சாா்பில் ‘கிரண் பேடியே திரும்பிப் போ’ என்ற வாசகத்துடன் கையெழுத்து இயக்கம் நடத்தப்படுகிறது. தொடா்ந்து, 200 டிராக்டா்களைக் கொண்டு டிராக்டா் பேரணியை விவசாயிகள் நடத்த உள்ளனா் என்றாா் முதல்வா் நாராயணசாமி.

கூட்டத்தில் அமைச்சா்கள் ஷாஜகான், ஆா்.கமலக்கண்ணன், மக்களவை உறுப்பினா் வைத்திலிங்கம் மற்றும் காங்கிரஸ் நிா்வாகிகள் பங்கேற்றனா்.

மாநிலத் தலைவராக இருந்த அமைச்சா் நமச்சிவாயம் காங்கிரஸிலிருந்து விலக உள்ளதாக கூறப்படும் சூழலில் இந்தக் கூட்டம் நடைபெற்றது. அமைச்சா் கந்தசாமி ராகுலை சந்திக்கச் சென்ால், அவா் பங்கேற்கவில்லை. எம்.எல்.ஏ.க்கள் பலரும் பங்கேற்கவில்லை.