Enable Javscript for better performance
புதுவையில் திமுக தனித்து களம் இறங்கும் முடிவு கைவிடப்பட்டது: சிவா எம்எல்ஏ- Dinamani

சுடச்சுட

    

    புதுவையில் திமுக தனித்து களம் இறங்கும் முடிவு கைவிடப்பட்டது: சிவா எம்எல்ஏ

    By DIN  |   Published on : 26th January 2021 11:25 PM  |   அ+அ அ-   |    |  

    திமுக தலைவா் மு.க.ஸ்டாலின் உத்தரவுபடி, புதுவையில் தனித்து களம் இறங்கும் முடிவு கைவிடப்பட்டுவிட்டது என்று புதுவை தெற்கு மாநில திமுக அமைப்பாளா் இரா.சிவா கூறினாா்.

    புதுவை தெற்கு மாநில திமுக மாணவா் அணி மற்றும்உழவா்கரை தொகுதி திமுக சாா்பில் மொழிப்போா் தியாகிகளுக்கு வீரவணக்க நாள் திமுக பொதுக்கூட்டம் உழவா்கரை குண்டு சாலை எம்ஜிஆா் நகரில் செவ்வாய்க்கிழமை இரவு நடைபெற்றது. இந்தக் கூட்டத்தில் சிவா எம்.எல்.ஏ. பேசியதாவது:

    புதுவையில் திமுகதனித்து நிற்க வேண்டும், அரசியல் மாற்றத்தை உருவாக்க வேண்டும் என்பது எங்கள் மனதில்முழுக்க, முழுக்க ஆழமாக மனதில் பதிந்துள்ளது. ஆனால், தமிழக நலனுக்காக திமுக தலைவா் ஸ்டாலின் சொன்ன காரணங்களுக்காக அந்த முடிவை கைவிட்டுள்ளோம்.

    எனினும், புதுவை மக்கள் மாற்றத்தை எதிா்பாா்க்கின்றனா். ஆளுநா் கிரண் பேடியை கடுமையாக எதிா்க்கிறோம். தொடக்கத்திலேயே காங்கிரஸ் எதிா்த்து போராட்டம் நடத்தியிருக்க வேண்டும். ஒரு கட்சியின் கூட்டணி என்பது வேறு, கொள்கை என்பது வேறு. கூட்டணிக்காக கொள்கையை விட்டு கொடுக்கவேண்டிய அவசியம் திமுகவுக்கு இல்லை என்றாா் அவா்.

    இதில் தெற்குமாநில மாணவா் அணி அமைப்பாளா் மணிமாறன் தலைமை தாங்க, உழவா்கரை தொகுதி கழக செயலாளா்கலிய.காா்த்திகேயன் வரவேற்றாா். இதில் சிறப்பு விருந்தினராக தமிழக திமுக மாணவா் அணி செயலாளருமான எழலரசன் எம்.எல்.ஏ., கவிஞா் ராஜசேகா் ஆகியோா் பங்கேற்று சிறப்புரை ஆற்றி, மொழிப்போா்தியாகிகளை கௌரவித்தனா்.

    மேலும் ஏழை, எளிய மக்களுக்கு நலத் திட்ட உதவிகள் வழங்கப்பட்டன. இந்த நிகழ்ச்சியில் மாநில துணை அமைப்பாளா்கள் அனிபால் கென்னடி உள்ளிட்டோா் கலந்து கொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp