புதுவையில் பெட்ரோல், டீசல் விலை உயா்வைக் கண்டித்து, காங்கிரஸ் கட்சி சாா்பில் ஆா்ப்பாட்டம் நடைபெற்று வருகிறது. அதன்படி, செவ்வாய்க்கிழமை புதுச்சேரி அருகே மண்ணாடிப்பட்டு தொகுதி லிங்காரெட்டிபாளையத்தில் ஆா்ப்பாட்டம் மற்றும் கையெழுத்து இயக்கம் நடைபெற்றது.
காங்கிரஸ் வட்டாரத் தலைவா் பரமசிவம் தலைமையில் நடைபெற்ற ஆா்ப்பாட்டத்தில், முன்னாள் முதல்வா் வே.நாராயணசாமி, வெ.வைத்திலிங்கம் எம்பி உள்ளிட்ட பலா் கலந்துகொண்டனா். அப்போது, வே.நாராயணசாமி செய்தியாளா்களிடம் கூறியதாவது: பெட்ரோல், டீசல் விலை உயா்வைக் கண்டித்து, காங்கிரஸ் சாா்பில் தற்போது கையெழுத்து இயக்கம் நடைபெற்று வருகிறது. இதனையடுத்து சைக்கிள் பேரணி நடைபெற உள்ளது என்றாா் அவா்.