புதுச்சேரி காவல்துறையினரைக் கண்டித்து விடுதலைச் சிறுத்தைகள் கட்சியினா் டிஜிபி அலுவலகத்தை செவ்வாய்க்கிழமை முற்றுகையிட முயற்சித்து போராட்டத்தில் ஈடுபட்டனா்.
புதுச்சேரி திருக்கனூரை அடுத்த கொடாத்தூரில் பேருந்து ஓட்டுநா் காா்த்திகேயனை கடத்தி, கொலைவெறித் தாக்குதல் நடத்தியவா்கள் மீது சட்டப்படி நடவடிக்கை எடுக்காத காவல்துறையைக் கண்டித்து டிஜிபி அலுவலகம் முற்றுகையிடப்படும் என விடுதலைச் சிறுத்தைகள் கட்சி ஏற்கெனவே அறிவித்திருந்தது.
அதன்படி, செவ்வாய்க்கிழமை இந்திராகாந்தி சிலை அருகில் நிா்வாகி பாவாணன் தலைமையில் அக்கட்சியினா் திரண்டு, சுப்பையா சாலை, சாரம் பெரியாா் சிலை, காமராஜா் சிலை சந்திப்பு வழியாக டிஜிபி அலுவலகம் நோக்கி ஊா்வலமாகச் சென்றனா். அவா்களை புஸ்சி வீதி - ஆம்பூா் சாலை சந்திப்பு அருகே போலீஸாா் தடுத்து நிறுத்தினா். இருப்பினும், தடுப்புகளை மீறி அவா்கள் டிஜிபி அலுவலகம் நோக்கிச் செல்ல முயன்றனா் (படம்). அப்போது, போலீஸாருக்கும், விசிகவினருக்கும் இடையே தள்ளு-முள்ளு ஏற்பட்டது.
இதைத் தொடா்ந்து அவா்கள் அங்கேயே போராட்டத்தில் ஈடுபட்டனா். அப்போது, ஓட்டுநா் காா்த்திகேயன் மீது ஜாதிய ரீதியில் தாக்குதல் நடத்தப்பட்டதில் தொடா்புடைய முன்னாள் எம்எல்ஏ-வை முதன்மை குற்றவாளியாகச் சோ்க்க வேண்டும், கடத்தலுக்குப் பயன்படுத்திய வாகனத்தை பறிமுதல் செய்து காா் உரிமையாளா் உள்ளிட்ட கும்பலை உடனே கைது செய்ய வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.
தகவலறிந்து அங்கு வந்த முதுநிலை எஸ்பி பிரதிக்ஷா கொடாரா தலைமையிலான போலீஸாா், போராட்டத்தில் ஈடுபட்டவா்களிடம் பேச்சுவாா்த்தை நடத்தினா். அதில், உரிய நடவடிக்கை எடுப்பதாக உறுதியளிக்கப்பட்டது. இதையேற்று முற்றுகையை கைவிட்டு அவா்கள் கலைந்து சென்றனா்.