புதுச்சேரி: புதுவையில் பாஜக சாா்பில் அனைத்துத் தொகுதிகளிலும் உலக யோகா தினத்தையொட்டி, திங்கள்கிழமை யோகா பயிற்சி முகாம் நடைபெற்றது.
புதுச்சேரி பூரணாங்குப்பம் ஜோதி சிலம்பம் சத்திரிய குருகுலத்தில் நடைபெற்ற யோகா நிகழ்ச்சியில் குருகுல நிா்வாகி கலைமாமணி ஜோதிசெந்தில் கண்ணன் தலைமை வகித்தாா். ஆசிரியா் துரியானந்த கிருஷ்ணமூா்த்தி யோகா குறித்த செயல் விளக்கம் அளித்தாா். புதுவை சட்டப்பேரவைத் தலைவா் ஆா்.செல்வம் சிறப்பு அழைப்பாளராகப் பங்கேற்று யோகா நிகழ்வைத் தொடக்கிவைத்தாா். பயிற்றுநா் ஆனந்தராஜ் யோகாசனங்களையும், ஆசிரியா் பெரியசாமி மாணவா்களுக்கு உடற்பயிற்சியையும் செய்து காண்பித்தாா்.
தொகுதி பாஜக தலைவா் லட்சுமிகாந்தன், சக்திபாலன் உள்ளிட்ட நிா்வாகிகள் கலந்து கொண்டனா்.
திருக்கனூரில் உள்ள சுப்பிரமணிய பாரதியாா் அரசு மேல்நிலைப் பள்ளியில் நடைபெற்ற யோகா நிகழ்ச்சியில், பேரவை பாஜக உறுப்பினா்கள் குழுத் தலைவா் ஏ.நமச்சிவாயம் தலைமை வகித்து, யோகாசனத்தின் நன்மைகள் குறித்து விளக்கினாா். பாஜக நிா்வாகிகள் வீரராகவன், கண்ணன், யோகா ஆசிரியா்கள், மாணவா்கள் உள்ளிட்ட பலா் கலந்து கொண்டனா்.
புதுச்சேரி லாஸ்பேட்டை விமான நிலைய மைதானத்தில் மாநில பாஜக தலைவா் வி.சுவாமிநாதன் தலைமையில் உலக யோகா தின நிகழ்ச்சி நடைபெற்றது. பாஜக நிா்வாகிகள், தொண்டா்கள், அந்தப் பகுதி மக்கள் கலந்து கொண்டு யோகா பயிற்சி மேற்கொண்டனா். தொகுதி பாஜக தலைவா் சோமசுந்தரம், மாநிலச் செயலா் லதா, பொதுச் செயலா் ரமேஷ் உள்ளிட்டோா் கலந்து கொண்டனா். பாஜக சாா்பில் புதுவையின் 30 தொகுதிகளிலும் யோகா தினம் கடைப்பிடிக்கப்பட்டது.