Enable Javscript for better performance
புதுவையில் தொகுதிப் பங்கீடு முடிவுக்கு வராததால் திணறும் கட்சிகள்!- Dinamani

உடனுக்கு உடன் செய்திகள்

    புதுவையில் தொகுதிப் பங்கீடு முடிவுக்கு வராததால் திணறும் கட்சிகள்!

    By இல.அன்பரசு  |   Published On : 13th March 2021 12:07 AM  |   Last Updated : 13th March 2021 08:07 AM  |  அ+அ அ-  |  

    puducherry assembly

    புதுச்சேரி சட்டப்பேரவை

     

    புதுவை சட்டப்பேரவைத் தோ்தலுக்கான வேட்புமனு தாக்கல் தொடங்கிய நிலையில், கூட்டணிக் கட்சிகளுக்கிடையே தொகுதிப் பங்கீடு முடிவுக்கு வராததால், வேட்பாளா்கள் தவிப்பில் உள்ளனா்.

    புதுவையில், திமுக-காங்கிரஸ் உள்ளிட்ட மதச்சாா்பற்ற முற்போக்குக் கூட்டணியும், என்.ஆா்.காங்கிரஸ், அதிமுக, பாஜக உள்ளிட்ட கட்சிகளுடன் தேசிய ஜனநாயகக் கூட்டணியும் களமிறங்குகின்றன.

    புதுவையில் நீண்ட இழுபறிக்குப் பின்னா், என்.ஆா். காங்கிரஸுக்கு 16 தொகுதிகள், பாஜக-அதிமுகவுக்கு 14 தொகுதிகள் என கூட்டணி உடன்பாடு ஏற்பட்டது. இதையடுத்து, பாஜக-அதிமுக இடையே தொகுதிப் பங்கீடு பேச்சுவாா்த்தை நடைபெற்றது. அதிமுக தரப்பில் 7 இடங்கள் தர வேண்டும் எனக் கோரினா். ஆனால், அதிமுகவுக்கு 3 இடங்களும், பாஜகவுக்கு 11 இடங்களும் எனக் கூறப்பட்டது. இதனால், அதிமுக தரப்பு அதிருப்தியடைந்து தமிழகத் தலைமைக்குத் தெரிவித்தது.

    இதையடுத்து, புதுவை தோ்தல் பொறுப்பாளரான தமிழக அமைச்சா் எம்.சி.சம்பத், வியாழக்கிழமை புதுச்சேரியில் பாஜக மேலிடப் பொறுப்பாளா் நிா்மல்குமாா் சுரானாவை சந்தித்துப் பேசினாா். பின்னா், சுமுக முடிவு எட்டப்பட்டதாகவும், வெள்ளிக்கிழமை தொகுதிப் பங்கீடு குறித்து தெரிவிக்கப்படும் என இரு கட்சியினரும் தெரிவித்தனா். ஆனால், வெள்ளிக்கிழமை வரை கூட்டணி தொகுதிப் பங்கீடு முடிவுக்கு வரவில்லை.

    இதனிடையே, இந்தக் கூட்டணியில் இடம் பெற்றுள்ள பாமக தரப்பில் 5 இடங்களைக் கேட்டதுடன், பேச்சுவாா்த்தைக்கே தங்களை அழைக்கவில்லை என 15 போ் கொண்ட வேட்பாளா் பட்டியலை வெளியிட்டு, தனித்துப் போட்டியிடுவதாகவும் அறிவித்தது.

    இதேபோல, காங்கிரஸ்-திமுக தலைமையிலான மதச்சாா்பற்ற முற்போக்குக் கூட்டணி சாா்பில், நீண்ட இழுபறிக்குப் பிறகு, கூட்டணி முடிவானது. காங்கிரஸ் 15 இடங்களிலும், திமுக 13 இடங்களிலும் போட்டியிடுவதெனவும், 2 இடங்கள் கூட்டணியில் உள்ள கம்யூனிஸ்ட், விசிக ஆகிய கட்சிகளுக்கு வழங்குவதெனவும் சென்னையில் முடிவு செய்து அறிவித்தனா்.

    ஆனால், இதற்கு புதுவை மாநில காங்கிரஸ் நிா்வாகிகள் கடும் எதிா்ப்புத் தெரிவித்து வருகின்றனா்.

    இதுதொடா்பாக வெள்ளிக்கிழமை புதுவை காங்கிரஸ் தலைமை அலுவலகத்தில் நடைபெற்ற ஆலோசனைக் கூட்டத்தில் திமுகவுக்கு அதிக இடங்களை ஒதுக்கியது தவறு, காங்கிரஸ் அதிக இடங்களைக் கேட்டுப் பெற வேண்டும். இல்லையேல், புதுவையில் காங்கிரஸ் தனித்துப் போட்டியிட வேண்டும் என தீா்மானம் நிறைவேற்றினா்.

    இதனால், கூட்டணி முடிவான நிலையிலும், தொகுதிப் பங்கீடு பிரச்னை முடிவுக்கு வராமல் திமுக-காங்கிரஸ் கூட்டணியில் நெருக்கடி நிலவுகிறது.

    தமிழகத்தில் இந்தக் கூட்டணிகள் முடிவுக்கு வந்து, வேட்பாளா்களையும் அறிவித்து தோ்தல் களத்தில் இறங்கிவிட்டனா். ஆனால், புதுவையில் இரு பிரதான கூட்டணிக் கட்சிகளிடையே தொகுதிப் பங்கீடு செய்வதில் தொடா்ந்து வரும் இழுபறியால், வேட்பாளா்களைத் தோ்வு செய்து, தோ்தல் பணியைத் தொடங்குவதிலும் சுணக்கம் ஏற்பட்டுள்ளது.

    வேட்புமனு தாக்கல் தொடங்கிய நிலையில், தொகுதிகளையும், வேட்பாளா்களையும் முடிவு செய்யாமல் உள்ளதால், பிரசாரம் மேற்கொள்வது, ஆதரவு திரட்டுவது, செலவினங்களுக்கான திட்டமிடல், கூட்டணிக் கட்சியினரை ஒருங்கிணைத்தல், வாக்குச் சாவடி அளவிலான தோ்தல் பணிகளை மேற்கொள்வது உள்ளிட்ட பணிகளைத் தொடங்க முடியாமல் தோ்தலில் போட்டியிட உள்ள வேட்பாளா்கள் தவிப்பில் உள்ளனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp