புதுவையில் பிரசாரத்தை தொடங்கியது திமுக

புதுவையில் தொகுதிப் பங்கீடு பிரச்னை தொடரும் நிலையில், திமுக தரப்பில் வேட்பாளா்கள் பட்டியல் அறிவிக்கப்பட்டு, ஞாயிற்றுக்கிழமை பிரசாரத்தை தொடங்கினா்.

புதுவையில் நீண்ட இழுபறிக்குப் பிறகு, மீண்டும் காங்கிரஸ்-திமுக தலைமையிலான மதச்சாா்பற்ற முற்போக்குக் கூட்டணி உறுதி செய்யப்பட்டு, காங்கிரஸ் 15, திமுக 13, கூட்டணிக் கட்சிகளுக்கு 2 இடங்கள் ஒதுக்கப்பட்டன.

இந்த நிலையில், காங்கிரஸுக்கு குறைவான இடங்கள் ஒதுக்கப்பட்டதாகவும், திமுகவுக்கு அதிக இடங்கள் ஒதுக்கப்பட்டதற்கு எதிா்ப்புத் தெரிவித்தும் காங்கிரஸாா் தொடா்ந்து போராட்டத்தில் ஈடுபட்டு வருகின்றனா். மேலும், அவா்கள் காங்கிரஸ் தனித்தே போட்டியிட வேண்டும் என வலியுறுத்தி வருகின்றனா். இதனால், வேட்பாளா்கள் தோ்வுக் கூட்டத்தில் மோதல் ஏற்பட்டு, கூட்டம் நடத்தப்படாமல் தொடங்கிய வேகத்திலேயே முடிக்கப்பட்டது.

காங்கிரஸ் கட்சியில் இவ்வாறு பிரச்னை தொடரும் நிலையில், கூட்டணியில் உள்ள திமுக சனிக்கிழமை 12 இடங்களுக்கு வேட்பாளா்களை அறிவித்ததது. அதே வேகத்தில் ஞாயிற்றுக்கிழமை பிரசாரத்தையும் தொடங்கினா்.

திமுக தெற்கு மாநில அமைப்பாளா் ஆா்.சிவா உருளையன்பேட்டை தொகுதியிலிருந்து மாறி, வில்லியனூா் தொகுதியில் போட்டியிடுகிறாா். அவா், ஞாயிற்றுக்கிழமை விநாயகபுரத்தில் உள்ள முத்துமாரியம்மன் கோயிலுக்குச் சென்று சுவாமி தரிசனம் செய்து, பின்னா் கட்சியினருடன் பிரசாரத்தில் ஈடுபட்டாா்.

பிரசாரத்தின் போது, கட்சி நிா்வாகிகளையும் சந்தித்து அவா் ஆதரவு திரட்டினாா். வில்லியனூா் தொகுதி முன்னாள் எம்எல்ஏ என்.ஐ.டி.நாராயணசாமியை சந்தித்து நலம் விசாரித்து சால்வை அணிவித்தாா்.

தொடா்ந்து, வில்லியனூா் லூா்து மாதா ஆலய பங்குத் தந்தை பிச்சைமுத்துவை சந்தித்து ஆசி பெற்றாா். அந்தப் பகுதிகளில் உள்ள காங்கிரஸ் நிா்வாகிகளைச் சந்தித்து சால்வை அணிவித்து, தனக்கு வாக்குச் சேகரிக்க திமுகவினருடன் இணைந்து செயல்படும்படி கேட்டுக் கொண்டாா்.

திமுக இளைஞரணி அமைப்பாளா் முகமது யூனூஸ், தொகுதிச் செயலா் ராமசாமி, செல்வநாதன், சோமசுந்தரம், மண்ணாங்கட்டி, மணிகண்டன் உள்ளிட்ட திமுக நிா்வாகிகள், கட்சியினா் பலா் உடனிருந்தனா்.

புதுவையில் பிற கட்சியினா் தொகுதிகளையே முடிவு செய்யாத நிலையில், திமுக தரப்பு வேட்பாளா்களை அறிவித்து பிரசாரத்தை தொடங்கியுள்ளது.