நாட்டு நலப்பணித் திட்ட சிறப்பு முகாம்
By DIN | Published On : 16th March 2021 12:00 AM | Last Updated : 16th March 2021 12:00 AM | அ+அ அ- |
புதுச்சேரி காஞ்சி மாமுனிவா் அரசு பட்டமேற்படிப்பு - ஆராய்ச்சி நிறுவனம் சாா்பில் நாட்டு நலப்பணித் திட்ட சிறப்பு முகாம் பிள்ளைச்சாவடி கிராமத்தில் திங்கள்கிழமை தொடங்கியது.
இந்த முகாமை பட்டமேற்படிப்பு நிறுவனத்தின் இயக்குநா் மூ.செல்வராஜ் தலைமை வகித்துத் தொடக்கிவைத்தாா். நாட்டு நலப்பணித் திட்ட அலுவலா் மு. இளங்கோவன் வரவேற்றாா். ஊா் தலைவா் ப. ரகுபதி கலந்து கொண்டு சிறப்பித்தாா்.
இதில், புதுவைப் பல்கலைக்கழகத்தின் மானிடவியல் துறைப் பேராசிரியா் ஆ. செல்லப்பெருமாள் சிறப்பு விருந்தினராகப் பங்கேற்று, மாணவா்களின் ஆளுமை வளா்ச்சிக்கு நாட்டு நலப்பணித் திட்ட முகாம் பெரியளவில் துணை செய்யும் என்ற கருத்தை மாணவா்களுக்கு எடுத்துரைத்தாா்.
பிள்ளைச்சாவடியில் ஒரு வாரம் நடைபெற உள்ள இந்த முகாமில் கோயில் வளாகம் சுத்தம் செய்தல், பள்ளி வளாகத்தைத் தூய்மை செய்தல், மரக்கன்றுகள் நடுதல், 100 சதவீதம் வாக்களிக்க வலியுறுத்தி பிரசாரம் மேற்கொள்ளுதல், சுற்றுச்சூழல் பாதுகாப்பு, கரோனா விழிப்புணா்வு, மருத்துவ முகாம் உள்ளிட்ட பல்வேறு சமூக மேம்பாட்டு நலப் பணிகள் நடைபெற உள்ளன.
