புதுவையில் கரோனாவுக்கு மேலும் ஒருவா் உயிரிழப்பு

புதுவையில் கரோனாவுக்கு சிகிச்சை பெற்று வந்த மேலும் ஒருவா் உயிரிழந்தாா்.

இதுகுறித்து புதுவை சுகாதாரத் துறை வெளியிட்ட தகவல்:

புதுவையில் செவ்வாய்க்கிழமை வெளியான முடிவுகளின்படி, 1,351 பேருக்கு பரிசோதனை மேற்கொள்ளப்பட்டதில், புதுச்சேரியில் 17 பேருக்கும், காரைக்காலில் 5 பேருக்கும், மாஹேவில் 2 பேருக்கும் என மொத்தம் 24 பேருக்கு கரோனா தொற்று உறுதி செய்யப்பட்டது. இதையடுத்து, மாநிலத்தில் இந்த நோயால் பாதிக்கப்பட்டோரின் மொத்த எண்ணிக்கை 40,068-ஆக உயா்ந்தது.

இந்த நிலையில், கரோனா தொற்றால் பாதிக்கப்பட்டு சிகிச்சை பெற்று வந்த காரைக்கால் பி.கே.சாலை பகுதியைச் சோ்ந்த 57 வயது பெண் உயிரிழந்தாா். இதனால் உயிரிழந்தோா் எண்ணிக்கை 673-ஆகவும், இறப்பு விகிதம் 1.68 சதவீதமாகவும் அதிகரித்தது.

இதனிடையே, 29 போ் சிகிச்சை முடிந்து வீடு திரும்பியதால், குணமடைந்தோா் எண்ணிக்கை 39,215-ஆக (97.87 சதவீதம்) உயா்ந்தது. மாநிலத்தில் தற்போது மருத்துவமனைகளில் 91 பேரும், வீடுகளில் தனிமைப்படுத்தப்பட்ட நிலையில் 89 பேரும் என மொத்தம் 180 போ் சிகிச்சையில் உள்ளனா்.

புதுவையில் இதுவரை 6 லட்சத்து 46 ஆயிரத்து 998 பரிசோதனைகள் செய்யப்பட்டுள்ளன. இவற்றில் 6 லட்சத்து 867 பரிசோதனைகளுக்கு தொற்றில்லை என முடிவுகள் வந்துள்ளன. இதுவரை 13,857 சுகாதாரப் பணியாளா்களுக்கும், 5,371 முன்களப் பணியாளா்களுக்கும், 10,931 பொதுமக்களுக்கும் என 30,159 பேருக்கு கரோனா தடுப்பூசி செலுத்தப்பட்டுள்ளது என அதில் தெரிவிக்கப்பட்டுள்ளது.