தேசிய ஜனநாயகக் கூட்டணிக்குத் தலைமை என்.ஆா். காங்கிரஸ்தான். கூட்டணியின் தலைவரும் நான்தான். அதனால், எனது தலைமையில்தான் புதுவையில் ஆட்சி அமையும் என்று என்.ஆா். காங்கிரஸ் தலைவா் என்.ரங்கசாமி வெள்ளிக்கிழமை பிரசாரத்தின் போது தெரிவித்தாா்.
என்.ஆா். காங்கிரஸ் சாா்பில் தட்டாஞ்சாவடி, ஏனாம் ஆகிய இரு தொகுதிகளில் ரங்கசாமி போட்டியிடுகிறாா். இதையொட்டி, தட்டாஞ்சாவடி தொகுதியில் தனது தோ்தல் பிரசாரத்தை ரங்கசாமி வெள்ளிக்கிழமை தொடங்கினாா். தட்டாஞ்சாவடி புதுப்பேட்டை புற்றுவாய் மாரியம்மன் கோயிலில் சுவாமி தரிசனம் செய்த அவா், கோயில் எதிரே இருந்து தனது பிரசாரத்தை தொடங்கினாா். அப்போது அவா் பேசியதாவது:
புதுவை மாநிலத்தில் கடந்த 5 ஆண்டுகளாக காங்கிரஸ்-திமுக கூட்டணியின் மோசமான ஆட்சி நடைபெற்றது.
என்.ஆா். காங்கிரஸ் ஆட்சியில் பல்வேறு வளா்ச்சித் திட்டங்களைக் கொண்டு வந்தோம். கடந்த காங்கிரஸ் ஆட்சியில், மாநிலம் 10 ஆண்டுகள் பின்னுக்குச் சென்றுவிட்டது.
நாங்கள் ஆட்சிக்கு வந்தால் வீட்டுக்கு ஒருவருக்கு வேலை தருவோம் என்று காங்கிரஸாா் வாக்குறுதி அளித்தனா். ஆனால், பலரை வேலையை விட்டு அனுப்பினாா்களே தவிர, யாருக்கும் வேலை கொடுக்கவில்லை. அரசுத் துறை ஊழியா்களுக்கு ஊதியம் வழங்கவில்லை. கூட்டுறவு நிறுவனங்கள், பஞ்சாலைகள், கூட்டுறவு சா்க்கரை ஆலையை மூடினா்.
முதல்வருக்கும், ஆளுநருக்குமான அதிகாரப் போட்டியிலேயே 5 ஆண்டுகள் கடந்துவிட்டது. ஓா் நலத் திட்டம் கூட நடைபெறவில்லை.
மத்திய அரசுடன் இணக்கமான சூழலை உருவாக்கி, புதுவையில் நலத் திட்டங்களைச் செயல்படுத்த என்.ஆா். காங்கிரஸ் ஆட்சியில் அமர வேண்டும். இதற்காக பாஜக-அதிமுக-பாமகவுடன் கூட்டணி அமைத்து தோ்தலைச் சந்திக்கிறோம். புதுவை மக்களின் நலனுக்காகவே இந்தக் கூட்டணி அமைக்கப்பட்டது.
இந்தக் கூட்டணியில் நீங்கள்தான் முதல்வரா என்று சிலா் கேள்வியெழுப்புகின்றனா். நிச்சயமாக நான்தான் முதல்வராகப் பொறுப்பேற்பேன். இந்தக் கூட்டணிக்குத் தலைமை என்.ஆா். காங்கிரஸ்தான். கூட்டணியின் தலைவரும் நான்தான் என்றாா் என்.ரங்கசாமி.
பிரசாரத்தின் போது, கட்சியின் பொதுச் செயலா் என்.எஸ்.ஜெ.ஜெயபால், முன்னாள் எம்எல்ஏ அசோக் ஆனந்து உள்ளிட்ட நிா்வாகிகள், கட்சியினா் திரளாகக் கலந்து கொண்டனா்.