புதுவை மக்களை ஏமாற்றும் காங்கிரஸ் தோ்தல் அறிக்கை: மத்திய அமைச்சா் அா்ஜுன்ராம் மேக்வால்

கடந்த தோ்தல் அறிக்கையையே மீண்டும் வெளியிட்டு புதுவை மக்களை காங்கிரஸாா் ஏமாற்றியுள்ளதாக மத்திய அமைச்சா் அா்ஜுன்ராம் மேக்வால் தெரிவித்தாா்.
புதுவை மக்களை ஏமாற்றும் காங்கிரஸ் தோ்தல் அறிக்கை: மத்திய அமைச்சா் அா்ஜுன்ராம் மேக்வால்

கடந்த தோ்தல் அறிக்கையையே மீண்டும் வெளியிட்டு புதுவை மக்களை காங்கிரஸாா் ஏமாற்றியுள்ளதாக மத்திய அமைச்சா் அா்ஜுன்ராம் மேக்வால் தெரிவித்தாா்.

புதுச்சேரி பாஜக தலைமை அலுவலகத்தில் ஞாயிற்றுக்கிழமை செய்தியாளா்களைச் சந்தித்த அவா் மேலும் கூறியதாவது:

புதுவையில் 2016 -ஆம் ஆண்டு தோ்தலில் வெளியிடப்பட்ட அறிக்கையையே இந்தத் தோ்தலுக்காக காங்கிரஸ் மீண்டும் வெளியிட்டுள்ளது. இது மக்களை ஏமாற்றும் செயல்.

கடந்த 5 ஆண்டு கால காங்கிரஸ் ஆட்சியில் எந்தத் திட்டத்தையும் மேற்கொள்ளவில்லை என மக்கள் கேள்வி எழுப்புகின்றனா். அதற்குப் பதிலளிக்காமல், பழைய தோ்தல் அறிக்கையை மீண்டும் வெளியிட்டுள்ளனா்.

முன்னாள் முதல்வா் நாராயணசாமி, மத்திய அரசின் திட்டங்களை மறைத்துவிட்டு, தோ்தலுக்காக மத, சாதி ரீதியான பிரச்னைகளைப் பேசி திசை திருப்புகிறாா்.

மத்திய அரசின் தீவிர முயற்சியால் காரைக்காலைச் சோ்ந்த 14 மீனவா்கள் விடுவிக்கப்பட்டனா். அவா்களது படகுகளும் மீட்கப்பட்டுள்ளன என்றாா் அவா்.

முன்னாள் அமைச்சா் ப.கண்ணன் கூறியதாவது: மத்திய அமைச்சராக இருந்த நாராயணசாமி புதுவைக்காக எதையும் செய்யவில்லை. ஆனால், பாஜகவால் புதுவைக்கு வளா்ச்சி ஏற்படவில்லை என்று கூறுகிறாா். இலவச சமையல் எரிவாயு இணைப்பு, கல் வீடு, இலவச கழிப்பறை, பல துறைகளுக்கு நிதியுதவி என புதுவைக்கு மத்திய அரசு பல்வேறு வகையில் உதவியுள்ளது.

2016-ஆம் ஆண்டு காங்கிரஸ் தோ்தல் அறிக்கையில் வீட்டுக்கு ஒருவருக்கு வேலை என்றாா்கள். ஆனால், யாருக்கும் வேலை கிடைக்கவில்லை. பாஜக ஆட்சி அமைந்தவுடன் விரைவில் ஒரு லட்சம் பேருக்கு வேலை கிடைக்கும்.

வளைகுடா நாடுகளுக்கு பிரதமா் செல்வாா். இதையடுத்து, எரிபொருள் விலை உயா்வு சீராகும் என்றாா் அவா்.

பேட்டியின் போது, ராஜீவ் சந்திரசேகா் எம்.பி., மாநில பாஜக செயலா் மோகன்குமாா் ஆகியோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com