புதுவை மாநில சட்டப் பேரவைத் தோ்தலில் முக்கிய அரசியல் கட்சித் தலைவா்கள் தோல்வியடைந்தனா்.
காங்கிரஸ் மாநிலத் தலைவா் ஏ.வி.சுப்பிரமணியன், மதச்சாா்பற்ற முற்போக்கு கூட்டணியில் காரைக்கால் வடக்குத் தொகுதியில் போட்டியிட்டாா். இவா் 12,569 வாக்குகள் பெற்று தோல்வியடைந்தாா். இவரை எதிா்த்துப் போட்டியிட்ட என்.ஆா் காங்கிரஸ் வேட்பாளா் பி.ஆா்.என்.திருமுருகன் 12,704 வாக்குகள் பெற்று மீண்டும் வெற்றி பெற்றாா்.
புதுவை பாஜக மாநிலத் தலைவா் வி.சாமிநாதன் புதுச்சேரி லாஸ்பேட்டை தொகுதியில் போட்டியிட்டாா். அவா் 8,891 வாக்குகள் பெற்று தோல்வியடைந்தாா். இந்தத் தொகுதியில் 14,592 வாக்குகள் பெற்று காங்கிரஸ் வேட்பாளா் வைத்தியநாதன் வெற்றி பெற்றாா். பாஜக தலைவா் சாமிநாதன் கடந்த முறையும் இதே தொகுதியில் போட்டியிட்டு தோல்வியடைந்தாா்.
புதுவை கிழக்கு மாநில அதிமுக செயலா் அ.அன்பழகன் புதுச்சேரி உப்பளம் தொகுதியில் போட்டியிட்டாா். இந்தத் தொகுதியில் தொடா்ந்து, நான்கு முறை வெற்றி பெற்ற இவா், இந்தத் தோ்தலில் 8,653 வாக்குகள் பெற்று தோல்வியடைந்தாா். இவரை எதிா்த்துப் போட்டியிட்ட திமுக வேட்பாளா் அனிபால் கென்னடி 13,433 வாக்குகள் பெற்று வென்றாா்.
புதுவை மேற்கு மாநில அதிமுக செயலரான ஓம்சக்தி சேகா், புதுச்சேரி உருளையன்பேட்டை தொகுதியில் தேசிய ஜனநாயகக் கூட்டணி சாா்பில் போட்டியிட்டாா். இவா், 1,787 வாக்குகள் பெற்று தோல்வியடைந்தாா். இந்தத் தொகுதியில் சுயேச்சையாக போட்டியிட்ட நேரு என்கிற குப்புசாமி 9,850 வாக்குகள் பெற்று வென்றாா்.
புதுவை மாநில திமுக அமைப்பாளரான எஸ்.பி.சிவக்குமாா், மதச்சாா்பற்ற முற்போக்குக் கூட்டணியில் புதுச்சேரி ராஜ்பவன் தொகுதியில் போட்டியிட்டாா். இவா், 6364 வாக்குகள் பெற்று தோல்வியடைந்தாா். இந்தத் தொகுதியில் என்.ஆா்.காங்கிரஸ் சாா்பில் போட்டியிட்ட க.லட்சுமிநாராயணன் 10,096 வாக்குகள் பெற்று வெற்றி பெற்றாா்.