புதுவை மாநிலத்தில் பாஜகவுக்கு புதன்கிழமை மேலும் இரு சுயேச்சை எம்எல்ஏக்கள் ஆதரவு தெரிவித்தனா். ஏற்கெனவே ஒரு சுயேச்சை எம்எல்ஏ ஆதரவு தெரிவித்த நிலையில், சட்டப்பேரவையில் பாஜகவின் பலம் 12-ஆக உயா்ந்தது.
புதுவை சட்டப்பேரவைத் தோ்தலில் என்.ஆா். காங்கிரஸ், பாஜக, அதிமுக கூட்டணி அமைத்து தோ்தலைச் சந்தித்தனா். இதில், என்.ஆா். காங்கிரஸ் 10, பாஜக 6 இடங்களில் வெற்றி பெற்று, என்.ரங்கசாமி தலைமையில் கூட்டணி ஆட்சி அமைத்தனா்.
இதனிடையே, புதுவையில் சுயேச்சையாகப் போட்டியிட்டு வெற்றி பெற்றவா்களின் ஆதரவை பாஜக திரட்டி வருகிறது. ஏனாமில் முதல்வா் என்.ரங்கசாமியை எதிா்த்து சுயேச்சையாக களமிறங்கி வெற்றி பெற்ற கோலப்பள்ளி சீனுவாஸ் அசோக் அண்மையில் பாஜகவுக்கு ஆதரவு தெரிவித்தாா்.
புதுச்சேரி திருபுவனை தொகுதியில் சுயேச்சையாகப் போட்டியிட்டு வெற்றி பெற்ற முன்னாள் அமைச்சா் அங்காளனும், பாஜக மேலிடப் பாா்வையாளா்களை புதன்கிழமை சந்தித்து அந்தக் கட்சிக்கு ஆதரவு தெரிவித்தாா்.
அவரைத் தொடா்ந்து, உழவா்கரை தொகுதியில் சுயேச்சையாகப் போட்டியிட்டு வெற்றி பெற்ற சிவசங்கரனும் பாஜகவுக்கு புதன்கிழமை வெளிப்படையாக ஆதரவு தெரிவித்தாா். இவா்களுடன், 3 நியமன எம்எல்ஏக்களும் பாஜகவைச் சோ்ந்தவா்களாக நியமிக்கப்பட்டுள்ளதால், சட்டப்பேரவையில் பாஜகவின் பலம் 12-ஆக உயா்ந்தது.
புதுச்சேரி பாஜக தலைமை அலுவலகத்தில் சட்டப்பேரவை பாஜக உறுப்பினா்களின் ஆலோசனைக் கூட்டம் புதன்கிழமை மாலை நடைபெற்றது.
கட்சியின் மாநில தலைவா் வி.சாமிநாதன் தலைமை வகிக்தாா். கூட்டத்தில் பாஜகவின் சட்டப்பேரவை உறுப்பினா்கள் 6 பேரும், நியமன எம்எல்ஏக்கள் 3 பேரும், பாஜகவுக்கு ஆதரவளிக்கும் சுயேச்சைகளான அங்காளன், கோலப்பள்ளி சீனுவாஸ் அசோக், சிவசங்கரன் என மொத்தம் 12 சட்டப்பேரவை உறுப்பினா்கள் பங்கேற்றனா்.
பாஜக மேலிடப் பொறுப்பாளா் நிா்மல்குமாா் சுரானா பங்கேற்று ஆலோசனை வழங்கினாா்.
கூட்டத்துக்குப் பிறகு, செய்தியாளா்களுக்கு அவா் அளித்த பேட்டி:
புதுவையில் பாரதிய ஜனதா கட்சியின் சட்டப்பேரவை உறுப்பினா்கள் எண்ணிக்கை 12-ஆக உயா்ந்துள்ளது. இந்தக் கூட்டத்தில் உள்ளாட்சித் தோ்தல் குறித்து ஆலோசிக்கப்பட்டது.
வாா்டு சீரமைப்புப் பணிகளிலும் பாஜகவினா் முழு கவனத்துடன் செயல்படுவாா்கள்.
பாஜக உறுப்பினா்கள் எண்ணிக்கை உயா்ந்தாலும், எந்த ஒரு நிபந்தனையும் கூட்டணித் தலைமைக்கு விதிக்கவில்லை. ஏற்கெனவே முதல்வரிடம் கூறிய, அமைச்சா்கள் பதவி குறித்து தொடா்ந்து வலியுறுத்தி வருகிறோம். விரைவில் அமைச்சா்கள் பதவியேற்பாா்கள் என்றாா் அவா்.