புதுவையில் புதிதாக 20 பேருக்கு கரோனா மேலும் ஒருவா் பலி
By DIN | Published On : 06th November 2021 10:24 PM | Last Updated : 06th November 2021 10:24 PM | அ+அ அ- |
புதுவை மாநிலத்தில் 1,523 பேருக்கு பரிசோதனை மேற்கொள்ளப்பட்டு, சனிக்கிழமை வெளியான முடிவுகளின்படி, புதிதாக 20 பேருக்கு கரோனா தொற்று உறுதி செய்யப்பட்டதுடன், மேலும் ஒருவா் உயிரிழந்தாா்.
மாநிலத்தில் இதுவரை கரோனா தொற்றால் பாதிக்கப்பட்டோா் எண்ணிக்கை 1,28,165. குணமடைந்தோா் எண்ணிக்கை 1,25,999. (98.31 சதவீதம்).
இதனிடையே, கரோனாவால் பாதிக்கப்பட்டு சிகிச்சை பெற்று வந்த ஏனாம் பிராந்தியம், கோபால் நகா் பகுதியைச் சோ்ந்த 47 வயதானவா் உயிரிழந்தாா். இதனால், கரோனா தொற்றுக்கு பலியானோா் எண்ணிக்கை 1,862-ஆக அதிகரித்தது. (இறப்பு விகிதம் 1.45 சதவீதம்).
தற்போது மருத்துவமனைகளில் 64 பேரும், வீடுகளில் தனிமைப்படுத்தப்பட்ட நிலையில் 240 பேரும் என 304 போ் மட்டுமே சிகிச்சையில் உள்ளனா். இதுவரை 11,35,205 பேருக்கு தடுப்பூசி செலுத்தப்பட்டது.
