புதுவை உள்ளாட்சித் தோ்தலில் 40 சதவீத இடங்களில் மகளிா் போட்டியிட வேண்டுமென மகளிா் காங்கிரஸ் அகில இந்திய பொதுச் செயலா் நடிகை நக்மா அறிவுறுத்தினாா்.
புதுச்சேரியில் மகளிா் காங்கிரஸ் கொடி அறிமுக நிகழ்ச்சி, உள்ளாட்சித் தோ்தல் தொடா்பான ஆலோசனைக் கூட்டம் காங்கிரஸ் கட்சி தலைமை அலுவலகத்தில் செவ்வாய்க்கிழமை நடைபெற்றது. புதுவை மாநில காங்கிரஸ் தலைவா் ஏ.வி.சுப்பிரமணியன் தலைமை வகித்தாா். முன்னாள் முதல்வா் வே.நாராயணசாமி, எம்எல்ஏ மு.வைத்தியநாதன், முன்னாள் அமைச்சா் எம்.கந்தசாமி, முன்னாள் எம்எல்ஏ ஆா்.அனந்தராமன், மாநிலச் செயலா் சூசைராஜ் உள்ளிட்டோா் முன்னிலை வகித்தனா். மகளிா் காங்கிரஸ் தலைவா் பஞ்சகாந்தி வரவேற்றாா்.
இந்தக் கூட்டத்தில் மகளிா் காங்கிரஸுக்கான கொடியை அறிமுகம் செய்து வைத்து, அகில இந்திய மகளிா் காங்கிரஸ் பொதுச் செயலரான நடிகை நக்மா பேசியதாவது:
புதுவை உள்ளாட்சித் தோ்தலில் மகளிா் காங்கிரஸ் நிா்வாகிகளுக்கு அதிக இடங்களை ஒதுக்கித் தர வேண்டும். பெரும்பாலும் சட்டப் பேரவை, மக்களவைத் தோ்தல்களின்போது மகளிருக்கு வாய்ப்பு கிடைப்பது குறைவு என்பதால், உள்ளாட்சித் தோ்தலில் 40 சதவீத இடங்களில் மகளிா் போட்டியிட, கட்சி சாா்பில் வாய்ப்பளிக்க வேண்டும்.
நாடாளுமன்றத்தில் மகளிருக்கு 33 சதவீத இட ஒதுக்கீடு அளிக்கப்பட்டுள்ளது. தொடா்ந்து, உள்ளாட்சியிலும் 40 சதவீத இடங்களைப் பெற வேண்டும். புதுவை உள்ளாட்சித் தோ்தலில் மகளிா் காங்கிரஸாா் அதிக இடங்களில் போட்டியிட்டு வெற்றிபெற வேண்டும் என்றாா் அவா். இதில், மகளிா் காங்கிரஸ் நிா்வாகிகள் பலா் கலந்து கொண்டனா்.