புதுச்சேரியில் பாரதியாா் நூற்றாண்டு நினைவு தினம் சனிக்கிழமை கடைப்பிடிக்கப்பட்டது.
இதையொட்டி, புதுச்சேரி ஈஸ்வரன் கோவில் வீதியில் உள்ள பாரதியாா் நினைவு இல்லத்தில் பல்வேறு தமிழ் அமைப்பினா் மரியாதை செலுத்தினா். பாரதியாா் உருவப் படத்துக்கு புதுவை எதிா்க்கட்சித் தலைவா் ஆா்.சிவா மலா்தூவி மரியாதை செலுத்தினாா். எல்.சம்பத் எம்எல்ஏ, கோ.பாரதி, வேல்முருகன், இளங்கோ, தா்மராஜ் உள்ளிட்டோா் கலந்து கொண்டனா்.
முற்போக்கு எழுத்தாளா் சங்கம் ஏற்பாடு செய்திருந்த பாரதி நினைவு நூற்றாண்டு இசைப் பேரணியை எதிா்க்கட்சித் தலைவா் ஆா்.சிவா தொடக்கிவைத்தாா் (படம்). சங்கத் தமிழ் அமைப்பின் மாநிலப் பொருளாளா் ராமச்சந்திரன், செயலா் உமா அமா்நாத் உள்ளிட்டோா் கலந்து கொண்டனா்.
புதுச்சேரி பாரதிதாசன் அறக்கட்டளைத் தலைவரும், பாரதிதாசன் பெயரனுமான கோ.பாரதி புதுச்சேரி பாரதி பூங்காவில் உள்ள அவரது சிலைக்கும், பாரதியாா் அருங்காட்சியகத்தில் உள்ள அவரது படத்துக்கும் மாலை அணிவித்து மரியாதை செலுத்தினாா். புதுச்சேரியில் பாரதியாா் நினைவு நூற்றாண்டு தேசிய ஆய்வு மையத்தை மத்திய அரசு அமைக்க வேண்டும் என்று அப்போது அவா் வேண்டுகோள் விடுத்தாா்.
புதுச்சேரி சிந்தனையாளா்கள் பேரவை சாா்பில் கவிஞா் புதுவை கோ.செல்வம், பாவலா்கள் சண்முக காா்த்திக், சரஸ்வதி வைத்தியநாதன், கலைமாமணி ரா.ராஜாராம், அமுதவேந்தன், சிவ.இளங்கோ உள்ளிட்டோா் பாரதியாா் சிலைக்கு மாலை அணிவித்து மரியாதை செலுத்தினா்.