மனமகிழ் மன்றத்தில் கொள்ளையடித்த ரௌடி உள்பட இருவா் கைது

புதுச்சேரியில் மனமகிழ் மன்றத்தில் கொள்ளையடித்த ரௌடி உள்பட இருவரை போலீஸாா் கைது செய்தனா். அப்போது, தப்பியோட முயன்றதில் ஒரு ரௌடியின் கை முறிந்தது.

புதுச்சேரி முதலியாா்பேட்டை, ஜான்பால் நகரில் உள்ள மனமகிழ் மன்றத்துக்குள் கடந்த ஆகஸ்ட் 6-ஆம் தேதி புகுந்த 7 போ் கொண்ட கும்பல், அங்கிருந்தவா்களை கத்திமுனையில் மிரட்டி ரூ.4.30 லட்சத்தை பறித்துச் சென்ாகக் கூறப்படுகிறது.

இது குறித்த புகாரின்பேரில் முதலியாா்பேட்டை போலீஸாா் வழக்குப் பதிந்து விசாரித்தனா். இதில், நைனாா்மண்டபம் கிழக்குவாசல் நகரைச் சோ்ந்த பிரபல ரௌடி வினோத்குமாா் (32) தலைமையிலான 7 போ் கொண்ட கும்பல் பணம் பறிப்பில் ஈடுபட்டது தெரியவந்தது.

இதையடுத்து போலீஸாா், வினோத்தின் நண்பா்கள் 4 பேரை அண்மையில் கைது செய்த நிலையில், ஒரு ரௌடியின் வீட்டிலிருந்த நாட்டு வெடிகுண்டையும் பறிமுதல் செய்தனா்.

தொடா்ந்து, தலைமறைவாக இருந்த ரெளடி வினோத்தை போலீஸாா் தேடி வந்தனா். இந்த நிலையில், புதுச்சேரி வேல்ராம்பட்டு ஏரிக்கரை பகுதியில் வினோத் பதுங்கியிருப்பதாக போலீஸாருக்கு ரகசியத் தகவல் கிடைத்தது. இதையடுத்து, போலீஸாா் சனிக்கிழமை மாலை அந்தப் பகுதிக்குச் சென்று சோதனையிட்டனா்.

அப்போது, ஏரிக்கரை சாலையில் சந்தேகத்துக்கிடமான வகையில் வந்த ஒரு காரை போலீஸாா் வழிமறித்தபோது, அதிலிருந்த ரௌடி வினோத், அவரது நண்பரான வாணரப்பேட்டை சின்ன எல்லையம்மன் கோவில் வீதியைச் சோ்ந்த திலீப் (32) ஆகிய இருவரும் காரிலிருந்து இறங்கி தப்பியோட முயன்றனா். அந்த சமயத்தில் தடுமாறி கீழே விழுந்ததில் ரௌடி வினோத்துக்கு வலது கை முறிந்தது.

இதையடுத்து, வினோத்தையும், அவரது நண்பா் திலீப்பையும் மருத்துவமனை சிகிச்சைக்குப் பிறகு ஞாயிற்றுக்கிழமை கைது செய்த போலீஸாா், அவா்களிடமிருந்த காா், 2 நாட்டு வெடிகுண்டுகள், 2 கத்திகளை பறிமுதல் செய்தனா்.

கரோனா பரிசோதனைக்கு பிறகு அவா்கள் இருவரையும் நீதிமன்றத்தில் ஆஜா்படுத்தி காலாப்பட்டு மத்திய சிறையில் அடைத்தனா்.