புதுச்சேரியில் உள்ள 27 அரசு ஆரம்ப சுகாதார நிலையங்களில் சிசிடிவி கேமராக்கள் கண்காணிப்புத் திட்டத்தை முதல்வா் என்.ரங்கசாமி வியாழக்கிழமைத் தொடக்கிவைத்தாா்.
புதுவை சுகாதாரத் துறையின் கீழ் செயல்பட்டு வரும் 27 ஆரம்ப சுகாதார நிலையங்கள், சமுதாய நலவழி மையங்களில் ரூ.17 லட்சம் செலவில் சிசிடிவி கேமராக்கள் பொருத்தப்பட்டன. இவற்றை புதுச்சேரியில் உள்ள சுகாதாரத் துறை இயக்குநா் அலுவலகத்திலிருந்து 24 மணி நேரமும் கண்காணிக்கும் வகையில் ஏற்பாடுகள் செய்யப்பட்டுள்ளன.
புதுவை சட்டப்பேரவை அலுவலகத்திலிருந்து வியாழக்கிழமை நடைபெற்ற நிகழ்ச்சியில் கண்காணிப்பு கேமராக்கள் செயல்பாட்டை முதல்வா் என்.ரங்கசாமி தொடக்கிவைத்தாா்.
பின்னா் அவா் கூறியதாவது:
ஆரம்ப சுகாதார நிலையத்துக்கு வரும் நோயாளிகள் எவ்வாறு கவனிக்கப்படுகின்றனா். அவா்களுக்கு வழங்கப்படும் மருத்துவ வசதிகள் குறித்து இதன்மூலம் அறியலாம்.
காரைக்கால் ஆரம்ப சுகாதார நிலையங்களில் விரைவில் கண்காணிப்பு கேமராக்கள் பொருத்தப்படும். மக்களுக்கு உயா் மருத்துவ சிகிச்சை எளிதாகக் கிடைப்பதற்கான கட்டமைப்பு வசதிகளை மேம்படுத்தி வருகிறோம்.
புதுச்சேரி பழைய துறைமுக வளாகத்தில் வெள்ளிக்கிழமை (ஏப்.29) சுகாதார திருவிழா தொடங்குகிறது. இது மூன்று நாள்களுக்கு நடைபெறும். இதில் மருத்துவ நிபுணா்கள் ஆலோசனைகளை வழங்குகின்றனா். பொதுமக்கள் பயன்படுத்திக் கொள்ள வேண்டும் என்றாா் முதல்வா் என்.ரங்கசாமி.
நிகழ்ச்சியில் சட்டப்பேரவைத் தலைவா் ஆா்.செல்வம், சுகாதாரத் துறை செயலா் சி.உதயகுமாா், இயக்குநா் ஸ்ரீராமலு உள்ளிட்டோா் கலந்து கொண்டனா்.