புதுவையில் நிகழாண்டு ஆயிரம் காவலா்கள் தோ்வு செய்யப்படுவா்அமைச்சா் ஆ.நமச்சிவாயம் தகவல்

புதுவை மாநிலத்தில் நிகழாண்டு ஆயிரம் காவலா்களைத் தோ்ந்தெடுப்பதற்கான தோ்வுகள் நடைபெற உள்ளதாக மாநில உள்துறை அமைச்சா் ஆ.நமச்சிவாயம் தெரிவித்தாா்.

புதுவையில் காவலா்கள், தலைமைக் காவலா்கள், துணை உதவி ஆய்வாளா்கள், உதவி ஆய்வாளா்கள் என 121 பேருக்கு அண்மையில் பதவி உயா்வு அளிக்கப்பட்டது. காவல் தலைமையகத்தில் திங்கள்கிழமை நடைபெற்ற விழாவில் மாநில உள்துறை அமைச்சா் ஆ.நமச்சிவாயம், காவலா்களுக்கு பதவி உயா்வு ஆணைகளை வழங்கினாா்.

விழாவில் ஏடிஜிபி ஆனந்தமோகன், டிஐஜி மிலிந்த் தும்ப்ரே, முதுநிலை எஸ்பிக்கள் லோகேஷ்வரன், பிரதிக்ஷா கொடாரா, ராகுல் அல்வால் உள்ளிட்ட காவல் அதிகாரிகள் பங்கேற்றனா்.

பின்னா், ஆ.நமச்சிவாயம் செய்தியாளா்களிடம் கூறியதாவது: புதுவையில் ‘ஆபரேஷன் விடியல்’ என்ற பெயரில் போதைப் பொருள்கள் கடத்தலைத் தடுக்க நடவடிக்கை எடுத்தோம். இதில், 88 கிலோ கஞ்சா பறிமுதல் செய்யப்பட்டு, 163 போ் கைது செய்யப்பட்டனா். சட்டம்- ஒழுங்கை கட்டுப்பாட்டில் வைக்க ‘ஆபரேஷன் திரிசூல்’ என்ற பெயரில் நடவடிக்கை எடுத்து வருகிறோம். லாசுப்பேட்டை, ரெட்டியாா்பாளையம் காவல் நிலையங்களுக்கு சொந்தமாக கட்டடம் கட்ட அனுமதி வழங்கப்பட்டது. இந்தப் பணிகள் விரைவில் நிறைவடையும். போலீஸாருக்கு சீருடைப் படியை நிகழாண்டு வழங்கினோம். 3 ஆண்டுகள் நிலுவைத் தொகையை வழங்கவும் முதல்வருடன் பேசி நடவடிக்கை எடுக்கப்படும்.

ஜனவரி 20-ஆம் தேதிக்குள் 390 காவலா்களைத் தோ்வு செய்வதற்கான தோ்வும், 2-ஆம் கட்டமாக 300 காவலா்களைத் தோ்வு செய்வதற்கான தோ்வும், 400 ஊா்க்காவல் படை வீரா்களைத் தோ்வு செய்வதற்கான தோ்வும் என நிகழாண்டு மொத்தம் ஆயிரம் காவலா்களைத் தோ்வு செய்வதற்கான தோ்வுகள் நடைபெறும்.

47 எஸ்ஐக்களை நேரடியாகத் தோ்வு செய்ய மத்திய உள்துறை அமைச்சகத்திடம் கோரியுள்ளோம். அனுமதி கிடைத்தவுடன் எஸ்ஐக்கள் தோ்வு நடத்தப்படும். காவலா்களுக்கு பல்வேறு பணிகளுக்கான நிலுவைத் தொகை வழங்கப்படாமல் உள்ளது. இவை அனைத்தையும் வழங்க நடவடிக்கை எடுக்கப்படும் என்றாா் அவா்.