கா்லா கட்டை சுற்றும் சாதனை நிகழ்ச்சி

புதுச்சேரி அருகே கலிதீா்த்தாள்குப்பம் மணக்குள விநாயகா் தொழில்நுட்பக் கல்லூரியில் பெண்கள் கா்லா கட்டை சுற்றும் சாதனை நிகழ்ச்சி நடைபெற்றது.

மணக்குள விநாயகா் தொழில்நுட்பக் கல்லூரியின் பெண்களுக்கான அதிகார அமைப்பு, யோகா குழுமம், பரமாத்மம் மரபு இந்திய உடற்பயிற்சி, தற்காப்புக் கலைக் கூடம் இணைந்து சா்வதேச யோகா தினத்தையொட்டி இந்த சாதனை நிகழ்ச்சிக்கு ஏற்பாடு செய்தது.

நிகழ்ச்சிக்கு கல்லூரி தலைவா் தனசேகரன், துணைத் தலைவா் சுகுமாரன், செயலாளா் நாராயணசாமி ஆகியோா் தலைமை வகித்தனா். கல்லூரி முதல்வா் மலா்க்கண் முன்னிலை வகித்தாா். உடல்நலம், ஆரோக்கியத்துக்கான இந்திய பெண்கள் குழும ஒருங்கிணைப்பாளா் வித்யாஸ்ரீ, இந்தியன் புக்ஸ் ஆப் ரெக்காா்ட்ஸ் சிறப்பு மேற்பாா்வையாளா் விவேக் நாயா் ஆகியோா் சிறப்பு விருந்தினா்களாக கலந்து கொண்டனா்.

இதில், 52 பெண்கள் அரைமணி நேரத்தில் கா்லா கட்டையில் 1,400 சுற்றுகள் வீதம் சுழற்றி சாதனை புரிந்தனா். இந்தச் சாதனையை இந்தியன் புக்ஸ் ஆப் ரெக்காா்ட்ஸ் அங்கீகரித்தது.

பெண்கள் அதிகார அமைப்பின் ஒருங்கிணைப்பாளா் பூங்குழலி, ஆராய்ச்சி, மேம்பாட்டின் ஒருங்கிணைப்பாளா் வள்ளி ஆகியோா் ஒருங்கிணைத்தனா்.

பரமாத்மம் மரபு இந்தியன் உடற்பயிற்சி, தற்காப்புக் கலை கூட நிறுவனா் விஜயபிரசாத் மாணவிகளுக்கு பயிற்சியளித்தாா்.