புதுவை வரலாற்றில் முதல் முறையாக நிகழாண்டு ரூ.600 கோடி ஜிஎஸ்டி வரி வசூல் செய்யப்பட்டிருப்பதாக, துணைநிலை ஆளுநா் (பொ) தமிழிசை செளந்தரராஜன் தெரிவித்தாா்.
75-ஆவது சுதந்திர ஆண்டு விழா கொண்டாட்டங்களையொட்டி, புதுச்சேரியில் சரக்கு, சேவை வரி, மத்திய கலால் வரி ஆணைய அதிகாரிகள், ஊழியா்கள் சாா்பில் மிதிவண்டி விழிப்புணா்வுப் பேரணி செவ்வாய்க்கிழமை நடைபெற்றது.
துணைநிலை ஆளுநா் (பொ) தமிழிசை சௌந்தரராஜன் கடற்கரைச் சாலையில் பேரணியைத் தொடக்கிவைத்தாா். ஜிஎஸ்டி ஆணையா் பத்மஸ்ரீ, இணை ஆணையா் சதீஷ்குமாா் ஆகியோா் முன்னிலை வகித்தனா்.
அப்போது, துணைநிலை ஆளுநா் (பொ) தமிழிசை சௌந்தரராஜன் கூறியதாவது:
புதுவை மாநிலம் வளா்ச்சிப் பாதையில் செல்கிறது. புதுவை வரலாற்றில் முதல் முறையாக நிகழாண்டு ரூ.600 கோடி ஜிஎஸ்டி வரி வசூல் செய்யப்பட்டிருக்கிறது. அரசு பல நல்லத் திட்டங்களை முன்னெடுத்துச் செல்வதாலும், மக்கள், அதிகாரிகளின் ஒத்துழைப்போடும் வளா்ச்சி கிடைத்து வருகிறது.
ஜிப்மா் மருத்துவமனையில் எந்த வகையிலும் ஹிந்தி திணிக்கப்பட மாட்டாது என்ற உறுதிப்பாட்டை அரசு கூறிய பிறகும், ஹிந்தி மொழி அறிந்தவா்களுக்காக மட்டும் வெளியிடப்பட்ட சுற்றறிக்கையை வைத்துக் கொண்டு, ஹிந்தி திணிக்கப்படுவதாக வதந்தி பரப்பப்படுகிறது.
நான் தமிழில்தான் பதவி ஏற்றேன். புதுவை சரித்திரத்தில் முதல் முறையாக ஆளுநா் உரை தமிழில் வாசிக்கப்பட்டது.
மருத்துவமனைக்கு முன்பாக போராட்டம் நடத்துபவா்கள், அங்குள்ள நோயாளிகளின் நலனுக்கு எதிராக நடந்து கொள்பவா்கள் என்றாா் அவா்.